හිටපු අගමැති මහින්දට විදෙස් ගතවීමට අවසර

හිටපු අග්‍රාමාත්‍ය මහින්ද රාජපක්ෂට විදෙස්ගත වීම සඳහා අධිකරණය අවසර ලබාදී තිබෙනවා.

කොළඹ කොටුව මහේස්ත්‍රාත් තිළිණ ගමගේ විසිනුයි අද මෙම නියෝගය ලබාදී ඇත්තේ.

ගාලු මුවදොර පිටියේ පැවති විරෝධතා ව්‍යාපාරයට පහරදීම සම්බන්ධයෙන් අධිකරණයේ විභාග වෙමින් පවතින නඩුවකට අදාළව මහින්ද රාජපක්ෂ මහතාට විදෙස් ගමන් තහනමක් පනවා තිබුණා.

මේ සම්බන්ධයෙන් මෝසමක් මගින් හිටපු ජනාධිපතිවරයාගේ නීතිඥවරයා සිදු කළ ඉල්ලීමක් සලකා බලමිනුයි අධිකරණය නියෝගය ලබාදී ඇත්තේ.

මේ අනුව හිටපු අග්‍රාමාත්‍ය මහින්ද රාජපක්ෂට ලබන 20 වනදා සිට දින 10ක කාලයක් විදෙස් ගත වීමට අවසර ලැබී තිබෙනවා.