මරණ දඬුවම සහ ජීවිතාන්තය දක්වා සිරදඬුවම් නියම වූ සිරකරුවන්ට ජනාධිපති සමාව ලබාදීම සඳහා විධිමත් ක්‍රියා පටිපාටියක් සකස් කිරීම සඳහා පත් කරන ලද කමිටුවේ වාර්තාව කඩිනමින් කැබිනට් මණ්ඩලයට ඉදිරිපත් කරන බව අධිකරණ හා ජාතික ඒකාබද්ධතා අමාත්‍ය නීතිඥ හර්ෂණ නානායක්කාර පවසනවා.
බන්ධනාගාර නිලධාරීන්, කමිටු සාමාජිකයින් සහ අනෙකුත් පාර්ශවකරුවන්ගේ සහභාගීත්වයෙන් වැලිකඩ බන්ධනාගාරයේ පැවති සාකච්ඡාවක දී අමාත්‍යවරයා මෙම අදහස් පළ කළා.
ජනාධිපති සමාව ලබාදීම සඳහා විධිමත් ක්‍රියා පටිපාටියක් ස්ථාපිත කිරීම, මරණ දඬුවම ජීවිතාන්තය දක්වා සිර දඬුවම් බවට පරිවර්තනය කිරීම, ජීවිතාන්තය දක්වා සිර දඬුවම් වසර 20 දක්වා අඩු කිරීම සහ සිරකරුවන්ට නිවාස නිවාඩු ලබාදීම කමිටුවේ ප්‍රධාන නිර්දේශ අතර වනවා.
මරණ දඬුවම සහ ජීවිතාන්තය දක්වා සිර දඬුවම් නියම වූ සිරකරුවන්ට ජනාධිපති සමාව ලබාදීම සඳහා විධිමත් ක්‍රියා පටිපාටියක් සකස් කිරීම සඳහා විශ්‍රාමික ශ්‍රේෂ්ඨාධිකරණ විනිසුරු එස්. තුරෙයිරාජාගේ ප්‍රධානත්වයෙන් යුත් කමිටුව පත් කරනු ලැබුවා.
මාස දහයක් පුරා සිදුකරන ලද අධ්‍යයනයකින් පසුව කමිටුව අදාළ නිර්දේශ ඉදිරිපත් කර තිබෙනවා.
