“මම එන්නේ නෑ.. මාව හොයන්න එපා.. ඇද යට ලියමනක් තියනවා ගන්න” යැයි තම මවට දුරකථන ඇමතුමක් ලබාදී නිවසින් අතුරුදන්ව සිටින වයස අවුරුදු 15ක පාසල් සිසුවියක් සහ ඇයගේ පෙම්වතා සොයා විමර්ශනයක් ආරම්භ කර ඇති බව මාදම්පේ පොලිසිය පවසනවා.
මෙලෙස අතුරුදන්ව ඇත්තේ මාදම්පේ, තඹගල්ලවත්ත ප්‍රදේශයේ පදිංචිව සිටි පාසල් සිසුවියක්.
10 වන ශ්‍රේණියේ ඉගෙනුම ලැබූ මෙම සිසුවිය, අයගේ පියා සේවය කරන කර්මාන්ත ශාලාවේ සේවය කරමින් සිටි
තරුණයෙකු සමඟ ප්‍රේම සම්බන්ධතාවයක් පවත්වාගෙන ගොස් ඇති බවට තොරතුරු වනවරණය වී තිබෙනවා.
ඊයේ (18) දින පෙරවරුවේ පියාට දිවා ආහාරය රැගෙන ගිය දැරිය නැවත නිවසට නොපැමිණි බවත්, ඇය පිළිබදව සොයා බලමින් සිටින විට ඇයගේ පෙම්වතා බව කියන පුද්ගලයාගේ දුරකථනයෙන් තමන්ට ඇමතුමක් ලබාදුන් බවත් සිසුවියගේ මව පොලිසියට පැමිණිලි කරමින් පවසා තිබෙනවා.
දියණිය සමඟ ප්‍රේම සම්බන්ධතාවයක් පවත්වා ගෙන ගිය තරුණයා මීට පෙර මාදම්පේ, ඉස්සම්මැඩිල්ල ප්‍රදේශයේ පදිංචිව සිටි ඇති බවත් ඔහු දැනට වව්නියාව ප්‍රදේශයේ කිසියම් රැකියාවක් සිදුකරන බව දැනගන්නට ලැබී ඇති බවත් මව පොලිසිය හමුවේ වැඩිදුරටත් තොරතුරු අනාවරණය කර ඇති බව සඳහන්.
අතුරුදහන්ව ඇති බාලවයස්කාර සිසුවිය හෝ ඇයගේ පෙම්වතා පිළිබදව මෙතෙක් තොරතුරක් ලැබී නොමැති අතර, මාදම්පේ පොලීසිය වැඩිදුර විමර්ශණ සිදුකරනු ලබනවා.
