මුලතිව්, විශ්වමඩු ප්රදේශයේ ඊයේ (18) ඇති වූ කලහකාරී තත්ත්වය හේතුවෙන් පුද්ගලයින් දෙදෙනෙකු අත්අඩංගුවට ගෙන ඇති බව පොලිසිය සඳහන් කළා.
මෙහිදී හමුදා සෙබළුන් තිදෙනෙකු සහ සාමාන්ය පුද්ගලයින් දෙදෙනෙකු තුවාල ලබා ඇති බවයි තොරතුරු වාර්තා වුණේ.
මුලතිව්, විශ්වමඩු ප්රදේශයේ පිහිටි යුද හමුදා මුරකුටියක් අසල ඇති වූ කලහකාරී තත්ත්වය පාලනය කිරීමට හමුදාව විසින් ඊයේ අහසට වෙඩි තබා තිබුණා.
බීමත්ව පැමිණි පිරිසක් විසින් හමුදා මුරකුටියේ රාජකාරියේ නිරතව සිටි නිලධාරීන්ගේ රාජකාරියට බාධා කිරීමත් සමඟ මෙම කලහකාරී තත්ත්වය ඇතිව තිබෙනවා.
එම පිරිස විසින් හමුදා මුරකුටියට ගල් මුල් ප්රහාරයක් ද එල්ල කර ඇති අතර, එහි සිටි හමුදා නිලධාරීන් සිය හමුදා අනුඛණ්ඩයට ඒ පිළිබඳව දැනුම් දීමට පියවර ගෙන ඇති බව සඳහන්.
පසුව එම ස්ථානයට පැමිණි හමුදා භට පිරිස් රැගත් ට්රක් රථයකට ද අදාළ පිරිස ගල් සහ බෝතල් ප්රහාර එල්ල කර ඇති බවයි වාර්තා වන්නේ.
තත්ත්වය පාලනය කිරීමට හමුදාව විසින් අහසට වෙඩි ප්රහාර කිහිපයක් එල්ල කර ඇති අතර පසුව පොලිසිය ද පැමිණ එම කලහකාරී තත්ත්වය පාලනය කිරීමට පියවර ගෙන තිබුණා.
