මෙවර සති අන්තයේ විදුලි කප්පාදුව සිදුකරන කාලය අඩු කිරීමට බලාපොරොත්තු වන බව මහජන උපයෝගීතා කොමිසම පවසයි.
එහි සභාපති ජනක රත්නායක මහතා සඳහන් කළේ, අද (07) සහ හෙට (08) යන දෙදින ද සාමාන්ය පරිදි පැය 06යි මිනිත්තු 30ක විදුලි කප්පාදුවක් සිදුවන බවය.
ඒ අනුව අද දිනයේත් A සිට L දක්වා කලාප සඳහා පෙරවරු 8.00 සිට පස්වරු 5.00 දක්වා පැය 04ක කාලයක් ද පස්වරු 5.00 සිට රාත්රී 10.00 දක්වා පැය 2යි මිනිත්තු 30ක කාලයක් ද විදුලි කප්පාදුව සිදුවනු ඇත.
P සිට W දක්වා කලාපවලට පෙරවරු 10.00 සිට පස්වරු 6.00 දක්වා පැය 04ක කාලයක් ද පස්වරු 6.00 සිට රාත්රී 11.00 දක්වා පැය 02යි මිනිත්තු 30ක කාලයක් ද විදුලි කප්පාදුව සිදුවේ.
ඊට අමතරව කොළඹ නගරය ආශ්රිතව පෙරවරු 6.00 සිට පෙරවරු 9.30 දක්වා විදුලි කප්පාදුව සිදුකිරීමට නියමිතය.
ඉදිරි කාලය තුළ ක්රමානුකූලව විදුලි කප්පාදුව සිදුකරන කාලය අඩුකිරීමට බලාපොරොත්තු වන බවය මහජන උපයෝගතා කොමිසමේ සභාපති ජනක රත්නායක මහතා සඳහන් කළේය.
“සති අන්තයේ දී අපිට තියෙන ඉල්ලුම අඩුවෙන නිසා විදුලි කප්පාදුව අඩුකරන්න හැකියාව තියෙනවා. ඉන්දියන් කෙඩිට් ලයින් එකෙන් අපිට අවශ්ය ඩීසල් ප්රමාණය ලැබෙනවා. ඒ වගේම කලින් මුදල් ගෙවලා තියෙන ෂිප්මන්ට් එකක් අද ලංකාවට එන්න සැලසුම් කරලා තියෙනවා. සුමානයක් විතර තිබුණ නැවටත් මුදල් වෙන්කළා කියලා දැනගන්න ලැබුණා. ඉදිරියේ දී සිංහල දෙමළ අවුරුද්ද එන නිසා විදුලි කප්පාදුව අවම කරලා මහජනතාවට කිසියම් සහනයක් ලබාදීම මහජන උපයෝගිතා කොමිසමේ කාර්ය වෙන්නේ. “
