බිබිල, දොඩම්ගොල්ල – ඊතනවත්ත ප්රදේශයේ, තිදරු මවක් විදුලි සැර වැදීමෙන් ඊයේ (06) ජීවිතක්ෂයට පත්ව තිබෙනවා.
ජීවිතක්ෂයට පත්වූ කාන්තාව සිය නිවස තුළ දෛනික ගෘහස්ත කටයුත්තක නිරතව සිටිය දී, මෙම අනතුරට මුහුණ පා ඇති බවයි මූලික විමර්ෂණවලදී අනාවරණය වී ඇත්තේ.
අනතුර සිදුවූ වහාම ඇයව රෝහල් ගත කිරීමට පියවර ගෙන තිබුණද, රෝහලට ඇතුළත් කරන විටත් ඇය ජීවිතක්ෂයට පත්ව සිටි බව වාර්තා වනවා.
මෙලෙස ජීවිතක්ෂයට පත්ව ඇත්තේ ඊතනවත්ත, දොඩම්ගොල්ල ප්රදේශයේ පදිංචිව සිටි වයස අවුරුදු 30ක් වන කාන්තාවක්.
අදාළ සිද්ධිය සම්බන්ධයෙන් බිබිල පොලිසිය මගින් වැඩිදුර විමර්ශන සිදු කරනවා.
