කොළඹ සිට හැටන් දක්වා අයිස් මත්ද්රව්ය ජාවාරම් කිරීම සඳහා රැගෙන ගිය සැකකරුවෙක් ඊයේ (06) පොල්පිටිය පොලිසිය විසින් අත්අඩංගුවට ගෙන තිබෙනවා.
පොල්පිටිය පොලිස් ස්ථානයේ නිලධාරින් විසින් කළුගල ප්රදේශයේ, පොලිස් මාර්ග බාධක යොදා ඇති ස්ථානයක දී සිදුකළ පරීක්ෂා කිරීමේ දී මෙම අත්අඩංගුවට ගැනීම සිදුකර ඇති බවයි වාර්තා වන්නේ.
සැකකරු කුලී පදනම මත ලබා ගත් ත්රීරෝද රථයකින් ගමන් කරමින් සිට ඇති අතර එම ත්රීරෝද රථය නවතා, පරීක්ෂා කිරීමේ දී සැකකරුගේ අත් බෑගය තුළ තිබී අයිස් මත්ද්රව්ය ග්රෑම් 3.5ක ප්රමාණයක් සොයා ගැනීමට පොලිසියට හැකිව තිබෙනවා.
මෙම පුද්ගලයා කොළඹ ප්රදේශයෙන් මත්ද්රව්ය රැගෙන වතුකරයට පැමිණ වතුකරයේ තරුණයන්ට එම මත්ද්රව්ය අලෙවි කරන බවයි මූලික විමර්ෂණවල දී අනාවරණය වී ඇත්තේ.
සැකකරු හැටන් – දික්ඔය ප්රදේශයේ, වනරාජා වත්තේ පදිංචි වයස අවුරුදු 30ක් අයෙක්.
අත්අඩංගුවට ගත් සැකකරු හැටන් මහේස්ත්රාත් අධිකරණය වෙත ඉදිරිපත් කිරීමට නියමිතයි.
