දරුවන් භෞතිකව ස්පර්ශ කිරීමේදී සාම්ප්රදායිකව සමාජයේ යෙදෙන “හොඳ ස්පර්ශය සහ නරක ස්පර්ශය” (Good touch and bad touch) යන සංකල්පයෙන් පරිභාහිරව දරුවාගේ කැමත්තට ප්රමුඛතාවය ලබා දිය යුතු බව ස්ටොප් චයිල්ඩ් කෲවල්ටි’ (Stop Child Cruelty Trust) සංවිධානයේ සභාපති වෛද්ය තුෂාරා වික්රමනායක පෙන්වා දෙනවා.
සමාජ මාධ්යයේ සංසරණය වන දේශපාලකයන් සහ දරුවන් සම්බන්ධ ඡායාරූප කිහිපයක් සම්බන්ධයෙන් අදහස් පළකරමින් ඇය පෙන්වා දෙන්නේ, දරුවෙක්ව ස්පර්ශ කිරීමේදී හොඳ ස්පර්ශ හෝ නරක ස්පර්ශ ලෙස වර්ගීකරණය කර දැක්වීමට වඩා දරුවගෙ කැමැත්ත, අනුමැතිය වඩා වැදගත් බවයි.
විපක්ෂ නායක සජිත් ප්රේමදාස සහ දරුවෙක් සම්බන්ධ ඡායාරූපය සම්බන්ධයෙන් අදහස් පළ කරමින් ඇය පෙන්වා දෙන්නේ, එම ඡායාරූපය මෑත කාලීනව ළමයින් සම්බන්ධ පෙත්සමක් පාර්ලිමේන්තුවට ගොස් භාරදීමේ දී ලබාගත් ඡායාරූපයක් බවත්, එම ඡායාරූපය ලබා ගන්නා අවස්ථාවේ දී විපක්ෂ නායකවරයා සජිත් ප්රේමදාස, එම දරුවාගෙන්, මම ඔබේ උරහිස මත අත් තිබ්බට කමක් නැද්ද? (“is it ok to put my hands on your shoulder?”) යනුවෙන් ඇසූ බවත්, එම ප්රකාශය තමන් පුදුමයට පත්කළ බවත් වෛද්ය තුෂාරා වික්රමනායක අවධාරණය කරනවා.
ඇයගේ අවදානයට ලක්ව ඇති අනෙක් ඡායාරූපය, නිවාස, ඉදිකිරීම් සහ ජලසම්පාදන නියෝජ්ය අමාත්ය ටී. බී. සරත් සහ දරුවෙක් සම්බන්ධ ඡායාරුපයක්.
ළමා ආරක්ෂණ ප්රතිපත්ති නිසිපරිදි ක්රියාත්මක වීමේ අවශ්යතාවය මෙන්ම සියලු දෙනාම ළමා අයිතිවාසිකම් පිළිබඳ දැනුවත් වීම අත්යවශ්ය බව වෛද්ය තුෂාරා වික්රමනායක පෙන්වා දෙනවා.
