ඇමරිකාවේ හාවර්ඩ් විශ්වවිද්යාලයට විදෙස් සිසුන් බඳවාගැනීම ට්රම්ප් පරිපාලනය විසින් මේ වනවිට අත්හිටුවා තිබෙනවා.
හාවර්ඩ් විශ්වවිද්යාලය තුළ ඇමරිකානු විරෝධී ක්රියාවන්ට විදෙස් සිසුන් පෙළඹී සිටින බවට ලැබුණු තොරතුරු මත මෙම හදිසි තීරණය ගත් බවයි ඇමරිකානු ස්වදේශ ආරක්ෂක දෙපාර්තමේන්තුව පවසන්නේ.
මෙම තීරණයත් සමඟ 2025–2026 අධ්යයන වර්ෂය සඳහා ජාත්යන්තර සිසුන් ඇතුළත් කර ගැනීමේ හැකියාව හාවඩ් විශ්ව විද්යාලයට අහිමි වී තිබෙනවා.
මේ අතර මෙම තීරණය දැනුම් දෙමින් ඇමරිකානු රජය දැනුම් දී තිබුණේ එම විශ්වවිද්යාලයේ දැනට අධ්යාපනය හදාරණ දහස් ගණන් විදෙස් සිසුන්ට වෙනත් විශ්වවිද්යාලයකට මාරු විය යුතු බවත්; එසේ නොහැකි නම් රටෙන් පිටව යායුතු බවටයි.
කෙසේ වෙතත් විදේශීය සිසුන් ඇතුළත් කර ගැනීමේ හැකියාව අහිමි කිරීමෙන් පසු දහස් ගණනක් ජාත්යන්තර සිසුන් අවිනිශ්චිත අනාගතයක් දෙස බලා සිටින විට, ඩොනල්ඩ් ට්රම්ප් පරිපාලනය එහි නියෝගය අවලංගු කිරීමට පැය 72 ක කවුළුවක් විවෘත කර තිබෙනවා.
මෙම පැය 72 තුළ, විදේශීය සිසුන් නැවත ඇතුළත් කර ගැනීම සඳහා දැඩි කොන්දේසි හයකට අනුකූල වන ලෙස දැනුම් දී ඇති බවයි විදෙස් මාධ්ය වාර්තා කළේ.
මේ අතර ජාත්යන්තර සිසුන් 6,800ක් පමණ හාවර්ඩ් විශ්වවිද්යාලය තුළ අධ්යාපන හදාරමින් සිටි බවයි වාර්තා වුණේ.
ISIS අන්තවාදී ත්රස්තවාදය දුරැ කිරිම ට ලොව සියලුම රටවල් එක් විය යුතුය. නැතහොත් isis අන්තවාදී ත්රස්තවාදය මුලු ලොවටම ගිලගනු ඇත. ලංකාවේ isis අන්තවාදී ත්රස්තවාදීන්ගේ පාස්කු බෝම්බයට සත්ය යුක්තිය තවම නැත. ගිලගැනීමේ ආදීනව එයයි.