පසුගිය සැප්තැම්බර් මස 16 වනදා ග්රෑන්ඩ්පාස්, මාදම්පිටිය කනත්ත ඉදිරිපිට දී වෙඩි තබා පුද්ගලයකු ඝාතනය කිරීමේ සිද්ධියේ වෙඩි තැබීම සිදුකළ බවට සැක කෙරෙන පුද්ගලයා ඊයේ (31) අත්අඩංගුවට ගෙන තිබෙනවා.
වත්තල ප්රදේශයේ දී අත්අඩංගුවට ගැනුණු මෙම සැකකරු වයස අවුරුදු 31ක අයෙක් බවයි පොලිසිය සඳහන් කළේ.
මෙම සැකකරු විදෙස් ගතව සිටින සංවිධානාත්මක අපරාධ හා මත්ද්රව්ය ජාවාරමකට සම්බන්ධ පුද්ගලයෙකු සමඟ සමීප සබඳතා පවත්වා ඇති බවයි විමර්ශනවල දී අනාවරණය වී ඇත්තේ.
මෝටර් රථයකින් පැමිණි පිරිසක් විසින් ත්රිරෝද රථයක සිටි පුද්ගලයෙකුව පසුගිය 16 වනදා ග්රෑන්ඩ්පාස්, මාදම්පිටිය කනත්ත ඉදිරිපිට දී වෙඩි තබා පළාගොස් තිබුණා.
මෙම සිද්ධියේ වෙඩික්කරුවන් පැමිණි මෝටර් රථය පැද වූ පුද්ගලයා පසුගිය 28 වනදා බ්ලූමැන්ඩල් ප්රදේශයේ දී අත්අඩංගුවට ගනු ලැබුවා.
මේ අතර වෙඩික්කරුවන් පැමිණි මෝටර් රථය හංවැල්ල, ඇඹුල්ගම විහාරස්ථාන භූමියේ අතහැර දමා ගොස් තිබිය දී පසුගිය දා සොයා ගැනුණා.
