තම රජය බලයට පත් වීමෙන් පසු ඇසළ පෙරහැර ඇතුළු මෙරට ජනතාවගේ ආගමික හා සංස්කෘතික උත්සව පැවැත්වීමට ඉඩ නොලැබෙන බවට ඇතැම් පාර්ශ්ව විසින් විවිධ අසත්‍ය තොරතුරු සමාජගත කරමින් සිටින බව ජාතික ජන බලවේගය පක්ෂයේ ජනාධිපති ධුර අපේක්ෂක අනුර කුමාර දිසානායක පවසනවා.
අද පෙරවරුවේ ජාතික ජන බලවේගය හා සමස්ත ලංකා ජම් ඉයියතුල් උලමා සංවිධානයේ සාමාජිකයින් හමු වී සාකච්ඡාවක් පැවැත්වුණා.
එහිදී අනුර කුමාර දිසානායක පැවසුවේ ජාතික ජන බලවේගයේ ප්‍රතිපත්ති ප්‍රකාශය එළඹෙන 26 වැනිදා එළි දක්වන බවයි.
මෙහිදී පසුගියදා විවිධ සමාජ මාධ්‍ය ජාලාවල සංසරණය වූ ඇසළ පෙරහැර නැවැත්වීම, මුස්ලිම් ප්‍රජාවට තම රජයක් යටතේ රැවුළ වැවීමට ඉඩ නොදෙන ප්‍රකාශ ආදිය සම්බන්ධයෙන් ද ජනාධිපති ධුර අපේක්ෂක අනුර කුමාර දිසානායක වැඩිදුරටත් අදහස් පළ කළා.
ඔබේ ප්‍රතිචාරය කුමක්ද ?
+1
+1
1
+1
10
+1
1
+1
+1
+1
4
wpDiscuz
