තම ගැටලුවට ලබන සිකුරාදා දිනයේ විසඳුම් නොලැබුනහොත් ඉන්ධන බෙදාහැරීමේ කටයුතුවලින් ඉවත්වන බව ලංකා ඛනිජ තෙල් පෞද්ගලික ටැංකි රථ හිමියන්ගේ සංගමය පවසනවා.
ඛනිජ තෙල් නීතිගත සංස්ථාවේ සභාපති ඩී. ජේ. රාජකරුණා සමඟ සිය ගැටලුව සම්බන්ධයෙන් අද (28) පෙරවරුවේ පැවති සකච්ඡාවකින් අනතුරුව මාධ්ය වෙත අදහස් දක්වමින්, එම සංගමයේ සභාපති ඒ.එම්.එච් අධිකාරී මේ බව සඳහන් කළා.
ඉන්ධන බෙදාහැරීමේ ටැංකි රථ වෙනුවෙන් පවතින ඉන්ධන මිල සූත්රය සංශෝධනය කරන ලෙස ඉල්ලා ඛනිජ තෙල් නීතිගත සංස්ථාවේ සභාපතිවරයා සමඟ මෙම සාකච්ඡාව පවත්වා තිබුණා.
එහිදී තෙල් සංස්ථා සභාපතිවරයා පොරොන්දු වී ඇත්තේ ලබන සිකුරාදා පස්වරුව වන විට මේ සම්බන්ධයෙන් විසඳුමක් ලබාදෙන විටයි.
කෙසේ වෙතත් එහිදී යහපත් ප්රතිචාරයක් නොලැබුනහොත් ඉන්ධන බෙදාහැරීමේ කටයුතුවලින් ඉවත්වීමට සිදුවන බවයි එම සංගමය වැඩිදුරටත් සඳහන් කරන්නේ.
පවතින උද්දමනය හමුවේ ටැංකි රථ නඩත්තුව සහ ඉන්ධන වෙනුවෙන් මේ වනවිට ඉහළ පිරිවැයක් දැරීමට සිදුවන බවයි ලංකා ඛනිජ තෙල් පෞද්ගලික ටැංකි රථ හිමියන්ගේ සංගමයේ සභාපතිවරයා පැවසුවේ.
