වස්කඩුව ප්රදේශයේ කර්මාන්තශාලාවක අද (අප්රේල් 22) උදෑසන ගින්නක් හටගෙන තිබේ.ලී පදම් කරන කර්මාන්තශාලාවක පිටුපස කොටසේ අද අඋදෑසන 6.00ට පමණ ගින්න හටගෙන ඇති බව ‘මව්බිම’ වෙබ් අඩවිය කළ විමසීමකදී කළුතර උතුර පොලිස් ස්ථානාධිපතිවරයා සඳහන් කළේ ය. කළුතර නගර සභාවේ ගිනි නිවන රථ දෙකක් යොදාගනිමින් ප්රදේශවාසීන්ගේ ද සහය ඇතිව කළුතර උතුර පොලිසිය ගින්න මැඩ පැවැත්වීමට ක්රියා කර ඇත.
පැය 2 කට අධික කාලයක් තුළ ඇතිවූ ගින්නෙන් කර්මාන්තශාලාවේ ලී විශාල තොගයක් විනාශ වී ඇති බවත් ගින්නෙන් සිදුවූ අලාභය මෙතෙක් ගණනය කර නොමැති බවත් අප වාර්තාකරු සඳහන් කළේ ය.
පොලිසිය සඳහන් කළේ, ගින්නෙන් කිසිවෙකුටත් හානිවී නොමැති බවය.
ගින්නට හේතුව මෙතෙක් නිශ්චිතව අනාවරණ වී නොමැති අතර කළුතර උතුර පොලිස් ස්ථානාධිපතිවරයා සඳහන් කළේ, ලී පදම් කිරීමට යෙදූ ගිනි හේතුවෙන් මෙම ගින්න හටගන්නට ඇති බවට සැක කරන බවය.
සිද්ධිය සම්බන්ධයෙන් කළුතර උතුර පොලිසිය වැඩිදුර විමර්ශන සිදු කරයි.
සුමිත් රණවක – පොතුපිටිය maubima
