මෙනින්ජයිටීස් රෝගීන් 200ක් මේ වනවිට වාර්තා වී ඇති බව සෞඛ්ය ප්රවර්ධන කාර්යාංශය සඳහන් කරනවා.
එම කාර්යාංශයේ අද (27) පැවති ප්රවෘත්ති සාකච්ඡාවක දී වසංගත රෝග විද්යා අංශයේ, ප්රජා සෞඛ්ය විශේෂඥ වෛද්ය තුෂානි දාබරේරා සඳහන් කළේ, මේ වනවිට දිස්ත්රික්ක හතරක රෝගීන් 50ක් පමණ රෝහල්ගතව ප්රතිකාර ලබන බවයි.
මේ අතර එළඹෙන වැසි සමය තුළ මෙම රෝග බෝවීමේ ප්රවණතාවයක් ඇති බැවින් වෛද්ය උපදෙස් ලබාගත යුතු බවද වෛද්යවරිය සඳහන් කළා.
මෙහිදී උණුකර නිවාගත් ජලය පානය කිරීම ඉතා වැදගත් බවත්, රෝගී ලක්ෂණ ඇති පුද්ගලයින් ජනතාව රැස්වන ස්ථානවල නොගොස් සිටීම වඩාත් සුදුසු බවයි ඇය වැඩිදුරටත් පැවසුවේ.
මේ අතර පැතිරයන මෙනින්ජයිටීස් රෝග තත්ත්වය හේතුවෙන් මෙවර වෙසක් දන්සැල්වල දී සිසිල් බීම ලබාදීමෙන් වළකින ලෙස සෞඛ්ය ප්රවර්ධන කාර්යාංශය කාරුණිකව දන්සැල් සංවිධායකයින්ට දැනුම් දෙනවා.
වසංගත රෝග විද්යා ඒකකයේ ප්රජා වෛද්ය විශේෂඥ තිලංග රුවන්පතිරණ අද (27) පැවති ප්රවෘත්ති සාකච්ඡාවට එක්වෙමින් සඳහන් කළේ සිසිල් බීම වෙනුවට තේ, කෝපි, රණවරා, බෙලිමල් වැනි දේවල් ලබාදිය හැකි බවයි.
දන්සැල්වල දී සෑම අවස්ථාවකම වතුර උණු කර ලබාදෙන පාන වර්ග ලබාදීමට කටයුතු කරන ලෙසයි ඔහු වැඩිදුරටත් සඳහන් කර සිටියේ.
