2026 ඉන්දීය ප්‍රිමියර් ලීග් තරගාවලියේ අවසන් වටයේ දෙවන තරගයෙන් සුපිරි ජයක් වාර්තා කරන්නට රාජස්තාන් රෝයල්ස් කණ්ඩායමට ඊයේ (27) හැකියාව ලැබුණා.
මෙම තරගයේ දී රාජස්තාන් කණ්ඩායමේ ප්‍රතිවාදීන් වූ සන්රයිසර්ස් හයිද්‍රාබාද් කණ්ඩායම පරාජයකරමින් ජයගත්තේ ලකුණු 47කින්.
මෙම පරාජයත් සමඟ සන්රයිසර්ස් හයිද්‍රාබාද් කණ්ඩායාමට මෙවට අයි.පී.එල් තරගාවලියෙන් ඉවත්වීමට සිදු වුණා.
නව චන්දිගාර්හි දී පැවති මෙම තරගයේ දී රාජස්තාන් රෝයල්ස් ඉනිම වෙනුවෙන් සුපිරි ඉනිමක් දියත් කළ 15 හැවිරිදි ක්‍රීඩක වෛභව් සූර්යවංශි පන්දු 29ක් තුළ ලකුණු 97ක් රැස් කිරීමට සමත් වුණා.
ඔහුගේ මෙම සුපිරි ඉනිමට දැවැන්ත හයේ පහර 12ක් සහ හතරේ පහර 07ක් ඇතුළත්.
මෙම සුපිරි ඉනිමත් සමඟ අයි.පී.එල් තරගාවලියක් තුළ වැඩිම හයේ පහරවල් එල්ල කරමින් බටහිර ඉන්දීය කොදෙව් සුපිරි ක්‍රීඩක ක්‍රිස් ගේල් සතුකරගෙන සිටි ඓතිහාසික වාර්තාවක් තම නම ඉදිරියේ ලියා ගන්නට සූර්යවංශි සමත් වුණා.
ක්‍රිස් ගේල් 2012 වසරේ පැවති අයි.පී.එල් තරගාවලියේ දී රෝයල් චැලේන්ජස් බැංගලූරු කණ්ඩායම වෙනුවෙන් හයේ පහරවල් 59ක් එල්ල කර මීට පෙර එම වාර්තාව පිහිටුවා තිබුණා.
ඒ, අනුව වසර 14ක කාලයක් පැවති එම සුපිරි වාර්තාව සිය නම ඉදිරියේ ලියා ගන්නට 15 හැවිරිදි මෙම ක්‍රීඩකයාට ඊයේ (27) හැකියාව ලැබුණා.
වෛභව් සූර්යවංශි මෙවර අයි.පී.එල් තරගාවලිය තුළ හයේ පහර 65ක් රැස්කරගෙන සිටිනවා.
හයේ පහරවල් දොලහනම් හරි හතරේ එව්වා පහයි නේද ගැහුවේ.ලකුනු අනූහතයිනෙ ගැහුවෙ එතකොට හයේ දොලහයි හතරේ එව්වා හතක් ගැහුවනම් එතනම ලකුණු සීයයි