වෙසක් උත්සවයට සමගාමීව නුගේගොඩ සිරිධම්මාරාම විහාරස්ථානයේ පෙරහැර හේතුවෙන් මිරිහාන පොලිස්වසම තුළ අද රාත්රී 7:00 සිට මධ්යම රාත්රී 12:00 දක්වා විශේෂ රථ වාහන සැලැස්මක් ක්රියාත්මක බව පොලිසිය පවසනවා.
ඒ,අනුව රාත්රී 7.00 සිට රාත්රී 10.00 දක්වා හයිලෙවල් මාර්ගයේ නුගේගොඩ ගුවන් පාලම අසල සිට ගම්සභා හන්දිය දක්වා කොළඹින් පිටවීමට සහ කොළඹට ඇතුළු වීමට එක් මන්තීරුවක් පමණක් විවෘතව ඇති බවයි පොලිසිය පවසන්නේ.
එමෙන්ම රාත්රී 8.00 සිට රාත්රී 11.00 දක්වා ගම්සභා හන්දියේ සිට කට්ටිය හන්දිය දක්වා මාර්ගය තාවකාලිකය වසා දැමෙන අතර, රාත්රී 8.00 සිට මධ්යම රාත්රී 12.00දක්වා පරණ කැස්බෑව මාර්ගය නුගේගොඩ, නාවල වටරවුම සිට දෙල්කඳ හන්දිය දක්වා ද තාවකාලිකව වසා දැමෙන බවයි පොලිස් මාධ්ය කොට්ඨාසය සඳහන් කරන්නේ.
පෙරහර ගමන් කරන කාලසීමාව තුළ තාවකාලිකව මාර්ගය වසා තැබීම හේතුවෙන් එම මාර්ග භාවිතා කිරීමට අපේක්ෂා කරනු ලබන රියැදුරන් හා මහජනතාවට විකල්ප මාර්ග භාවිතා කරන ලෙස දැනුම් දෙනවා.
