රාජ්‍ය සේවයට බඳවා ගත් උපාධිධාරීන් ස්ථීර කිරීමට පියවර

මෑතකදී රාජ්‍ය සේවයට බඳවා ගත් උපාධිධාරීන් ස්ථීර කොට ඔවුන්ගේ වැටුප වැඩි කිරීමට කටයුතු කරන බව රජය පවසයි.

ඒ අනුව ඔවුන්ගේ මාසික දීමනාව රුපියල් 41,000 ක් වීමට නියමිතය.

පළාත් සභා සහ පළාත් පාලන කටයුතු රාජ්‍ය අමාත්‍ය රොෂාන් රණසිංහ මහතා අද (24) පාර්ලිමේන්තුවේදී ඒ බව පැවසීය.

“රැකියා නැති 58,000කට ආසන්න උපාධිධාරීන් පිරිසකට රැකියා දුන්නා. මේ අයට අපි වැඩපිළිවෙලක් හැදුවා. මේ සියලුදෙනා මේ අයවැය තුළ රජයේ ස්ථීර සේවයට පත්කරලා රුපියල් 41,000ක වැටුපක් ලබාදීමේ වැඩපිළිවෙල ක්‍රියාත්මක කරන්න අවශ්‍ය කටයුතු කරලා තියෙනවා.”