රුමේනියා රටෙහි විදේශ රැකියා ලබා දෙන බවට පවසා පුද්ගලයින්ගේ මුදල් ලබා ගෙන එකී මුදල් වංචා කිරීම, විශ්වාසය කඩ කිරීම හා සාවද්ය පරිහරණය කල Rainbow Garments Technologies (pvt) Ltd නමින් පවත්වා ගෙන ගිය පුද්ගලික ආයතනයක් සම්බන්ධව ලද පැමිණිල්ලකට අදාළව අපරාධ පරීක්ෂණ දෙපාර්තමේන්තුවේ මූල්ය හා වාණිජ අපරාධ විමර්ශන අංශය මඟින් විමර්ශන සිදු කරමින් පවතින බව පොලිසිය නිවේදනයක් නිකුත් කරමින් පවසනවා.
මෙතෙක් සිදු කරන ලද විමර්ශනයේදී පුද්ගලයින් 750ක පමණ පිරිසකගෙන් රුපියල් කෝටි 92 කට අධික මුදලක් වංචා කර ඇති බවට අනාවරණය වී ඇති බවයි පොලිසිය පවසන්නේ.
ඒ අනුව, මේ සම්බන්ධයෙන් නුගේගොඩ මහේස්ත්රාත් අධිකරණයට කරුණු වාර්තා කර ඇති අතර මෙම වංචාවට අදාලව එම සමාගමේ අධ්යක්ෂිකාවක් ලෙස කටයුතු කළ සැකකාරියකට විවෘත වරෙන්තු නිකුත් කර තිබෙනවා.
කෙසේ වෙතත් මේ වන විට ප්රදේශයෙන් පලා ගොස් සිටින එම සැකකාරිය අත්අඩංගුවට ගැනීම සඳහා පොලිසිය මහජන සහය පතන බව පොලිසිය විසින් නිකුත් කළ නිවේදනයේ සඳහන්.
එම සැකකාරියගේ නම, ර්ෂලි ජයර්වධන අමදෝරු වන අතර වයස, අවුරුදු 54ක්.
ඇයගේ ලිපිනය ලෙස පොලිසිය සඳහන් කර ඇත්තේ 118/3, සමඟි මාවත, මාගම්මන, හෝමාගම වන අතර සැකකාරියගේ ජාතික හැදුනුම්පත් අංකය 716032531 V බවයි පොලිසිය පවසන්නේ.
සැකකාරියගේ ඡායාරූපයක් ද පොලිසිය විසින් ඉකුත් කර ඇති අතර ඇය සම්බන්ධයෙන් යම් තොරතුරක් වෙතොත් පහත සඳහන් දුරකථන අංක වෙත දැනුම් දෙන ලෙස පොලිසිය මහජනතාවගෙන් ඉල්ලා සිටිනවා.
ස්ථානාධිපති / මූල්ය අපරාධ විමර්ශන ඒකක 01 – 071 8594910
අපරාධ පරීක්ෂණ දෙපාර්තමේන්තුව – 011 2444172
