මීගමුව ප්‍රදේශයේ පදිංචි පුද්ගලයෙකු හා කාන්තාවක් විසින් මත්ද්‍රව්‍ය ජාවාරමෙන් වත්කම් උපයාගෙන ඇති බවට ලද තොරතුරක් මත නීති විරෝධි වත්කම් විමර්ශන කොට්ඨාසය මඟින් විමර්ශනයක් සිදුකර තිබෙනවා.
එහිදී අදාළ කාන්තාව විසින් කටුනේරිය ප්‍රදේශයේ පිහිටි රුපියල් ලක්ෂ 95 ක් පමණ වටිනාකමකින් යුත් පර්චස් 24.8 ක ඉඩමක් හා එහි ඉදිකර ඇති රුපියල් කෝටි 3.5 ක් පමණ වටිනා දෙමහල් නිවස මත්ද්‍රව්‍ය ජාවාරමෙන් උපයාගෙන ඇති බවට අනාවරණය වී ඇති බව පොලිසිය සඳහන් කරනවා.
ඒ අනුව රුපියල් මිලියන 44.5ක් පමණ වටිනාකමින් යුතු එම දේපළ ඊයේ (02) දින සිට මුදල් විශුද්ධිකරණය වැළැක්වීමේ පනත ප්‍රකාරව දින 14ක කාලයක් සඳහා ක්‍රියාවිරහිත කිරීමේ නියෝග නිකුත් කර තිබෙනවා.
නීති විරෝධි වත්කම් විමර්ශන කොට්ඨාසය විසින් වැඩිදුර විමර්ශන සිදුකරනු ලබනවා.
