තම සහෝදරියගේ පාසල් වියේ පසුවන 16 හැවිරිදි පාසල් සිසුවිය ගැබිණියක් කල මාමණ්ඩිය (30) දින අත්අඩංගුවට ගත් බව දිඹුලපතන පොලිසිය පැවසිය.
දිඹුල පතන පොලිස් වසමට අයත් කොටගල ප්රදේශයේ සත්ව ගොවිපොලක පාසල් සිසුවියගේ දෙමව්පියන් රැකියාවේ නිරතව සිටින බවත්, මිට මාස තුනකට පමණ ප්රථම 24 හැවිරිදි සිය මාමණ්ඩිය විසින් නිවසේදි තමන්ව දුෂණය කල බව එම පාසල් සිසුවිය විසින් දිඹුල පතන පොලිසියට ප්රකාශයක් ලබා දි ඇත.
මාස තුනක් තිස්සේ තම දියණියගේ උදරයේ අබාධයක් ඇති බවට පැවසිමෙන් පසු දෙමව්පියන් විසින් දියණියව වෛද්ය පරික්ෂණයක් වෙත යොමු කිරිමෙන් පසු දියණය ගැබ්ගෙන ඇති බවට තහවුරු වි ඇති බවයි දිඹුල පතන පොලිසිය කියා සිටියේ.
වෛද්ය පරික්ෂණයෙන් පසු පාසල් සිසුවියගේ මව විසින් දිඹුල පතන පොලිසිය වෙත (29) දින පැමිණිලි කිරිමෙන් පසු නාවලපිටිය ප්රදේශයේ පදිංචි සැකකාර මාමණ්ඩිය අත්අඩංගුවට ගත් බවත්, එම සැකකරු හැටන් මහෙස්ත්රාත් අධිකරණය වෙත ඉදිරිපත් කරන බවයි දිඹුල පතන පොලිසියේ ස්ථානාධිපතිවරයා කියා සිටියේ.
ගැබ්ගෙන සිටින පාසල් සිසුවිය ප්රදේශයේ පාසලක 11 වසරේ අධ්යාපන ලබමින් සිටින බවද පොලිසිය පැවසිය.
