වැලිකඩ පොලිස් වසමේ අඹගහ හන්දිය රාජගිරිය අතර මාර්ගයේ කලපළුවාව ප්‍රදේශයේ දී සිදු වූ රිය අනතුරකින් කුඩා දරුවෙක් ජීවිතක්ෂයට පත්ව තිබෙනවා.
ඊයේ (25) අලුයම සිදු වූ මෙම අනතුරෙන් ජීවිතක්ෂයට පත්ව ඇත්තේ වයස අවුරුදු 04ක පිරිමි දරුවෙක්.
රාජගිරිය දෙසට ධාවනය වූ යතුරුපැදියක් පැදිකරුට පාලනය කරගත නොහැකිව මාර්ගයේ පෙරළී යතුරුපැදියේ ගමන් කළ පිරිමි දරුවා ඉදිරියට විසි වී ගොස් ප්‍රතිවිරුද්ධ දිසාවෙන් පැමිණි මෝටර් රථයක ගැටී මෙම අනතුර සිදුව තිබෙනවා.
අනතුරින් බරපතල තුවාල ලැබූ පිරිමි දරුවා IDH රෝහලට ඇතුළත් කිරීමෙන් පසු මියගොස් ඇති බවයි පොලිසිය සඳහන් කළේ.
අනතුර සම්බන්ධයෙන් මෝටර් රථයේ රියදුරු අත්අඩංගුවට ගෙන ඇති අතර, වැලිකඩ පොලිසිය විසින් වැඩිදුර විමර්ශන සිදුකරනු ලබනවා.
අපි දන්න විදිහට බල්ලෙක් පැනල තමයි මේක වෙලා තියෙන්නේ…