කොළඹ වරාය නගරයේ පාලමක් මත මාළු අල්ලමින සිටි චීන ජාතිකයෙක් පැහැරගෙන ගොස් තිබෙනවා.
ඊයේ (22) රාත්‍රියේ මෙම පැහැර ගැනීම සිදුව ඇති අතර, 15 දෙනෙකුගෙන් සමන්විත තවත් චීන ජාතිකයින් කණ්ඩායමක් විසින් මෙම පැහැර ගැනීම සිදුකර ඇති බවයි වාර්තා වන්නේ.
නවීන පන්නයේ ජීප් රථයකින් ඊයේ (23) රාත්‍රියේ කොළඹ වරාය නගරයට පැමිණි චීන ජාතිකයින් තිදෙනෙක් එහි එල්ලෙන පාලම මත සිට මාළු අල්ලමින් සිට තිබෙනවා.
එම අවස්ථාවේ දී වෑන් රථයකින් පැමිණි තවත් චීන ජාතිකයින් 15 දෙනෙකු පමණ පිරිසක් අදාළ චීන ජාතිකයින් තිදෙනාට පහර දී ඇති බවයි තොරතුරු වාර්තා වුණේ.
එහිදී එක් චීන ජාතිකයෙන් වෑන් රථයෙන් පැමිණි චීන ජාතිකයින් කණ්ඩායම විසින් පැහැරගෙන ගොස් ඇති අතර, ඔවුන් පැමිණි KDH වර්ගයේ වෑන් රථය ද දමා ගොස් ඇති බවයි වැඩිදුරටත් තොරතුරු වාර්තා වුණේ.
එලෙස දමා ගිය KDH වර්ගයේ වෑන් රථය තුළ තිබී විදෙස් රටක නිෂ්පාදිත රිවෝල්වරයක් පොලිසිය විසින් සොයාගෙන තිබෙනවා.
පැහැරගෙන ගිය චීන ජාතිකයා සම්බන්ධයෙන් තොරතුරක් අනාවරණය වී නැති අතර, වරාය නගර පොලිසිය සිද්ධිය සම්බන්ධයෙන් විමර්ශන ක්‍රියාත්මක කරනවා.
