එළඹෙන 24, 25 සහ 26 යන දිනයන් වන විට දිවයිනට බලපාන නිරිත දිග මෝසම් තත්ත්වය ආරම්භ වන බව කාලගුණ විද්යා දෙපාර්තමේන්තුවේ අධ්යක්ෂ ජනරාල් අතුල කරුණානායක පවසනවා.
මේ අතර දිවයින ඊසාන දෙසින් බෙංගාල බොක්ක අවට පවතින අඩු පීඩන කලාපය තව දුරටත් එලෙසම පවතින බවයි අධ්යක්ෂ ජනරාල්වරයා පැවසුවේ.
ඒ, අනුව වැසි තත්ත්වය තවදුරටත් පවතින ලකුණු පෙන්නුම් කරන බවයි අද (13) පෙරවරුවේ මාධ්ය හමුවක් පවත්වමින් ඔහු සඳහන් කළේ.
මේ අතර කාලගුණ විද්යා දෙපාර්තමේන්තුව අවවාදාත්මක රතු නිවේදනයක් නිකුත් කර තිබෙනවා.
බස්නාහිර, සබරගමුව, මධ්යම සහ වයඹ පළාත්වලත් ගාල්ල සහ මාතර දිස්ත්රික්කවලත් ඇතැම් ස්ථානවල මි.මී. 150 ට වැඩි ඉතා තද වැසි ඇති විය හි බවයි අදාළ නිවේදනයෙන් දක්වා ඇත්තේ.
එමෙන්ම දිවයිනේ අනෙකුත් ප්රදේශවල ඇතැම් ස්ථානවලට මිලිමීටර් 100 ක පමණ තද වැසි ඇති විය හැකි අතර,ගිගුරුම් සහිත තද වැසි සමඟ ඇති විය හැකි තද සුළං සහ අකුණු මඟින් සිදුවිය හැකි අනතුරු අවම කර ගැනීමට අවශ්ය පියවර ගන්නා ලෙස ජනතාවට දැනුම් දෙනවා.
