මෙම වසරේ මේ දක්වා කාලය තුළ වාර්තා වූ ඩෙංගු රෝගීන් සංඛ්යාව 81,511 දක්වා ඉහළ ගොස් ඇති බව ජාතික ඩෙංගු මර්ධන ඒකකය සඳහන් කරනවා.
ඒ අනුව ඊයේ (25) දිනයේ මෙරටින් වාර්තා වී ඇති ඩෙංගු රෝගීන් සංඛ්යාව වන්නේ 606ක්.
මින් වැඩිම රෝගීන් සංඛ්යාවක් වාර්තා වී ඇත්තේ මෙම ජූලි මාසයේ වන අතර, මෙම මාසය තුළ ගත වූ දින 25 තුළ වාර්තා වී ඇති ඩෙංගු රෝගීන්ගේ සංඛ්යාව 26,136ක්.
මේ අතර වසරේ ගත වූ කාලය තුළ වැඩිම ඩෙංගු රෝගීන් ප්රමාණයක් වාර්තා වී ඇත්තේ බස්නාහිර පළාතෙන් වන අතර එම ගණන 43,132ක් බවයි ජාතික ඩෙංගු මර්ධන ඒකකය පවසන්නේ.
එමෙන්ම වසරේ මේ දක්වා කාලය තුළ ඩෙංගු මරණ 61ක්ද වාර්තා වී ඇති බව එම එකකට වැඩිදුරටත් සඳහන් කරනවා.
