ආනයනකර මාස තුනකට වඩා වැඩි කාලයක් ඉක්මවා ගියද ආනයනකරු විසින් තවමත් නිදහස් කරගෙන නොගිය වාහන
1,025ක් හම්බන්තොට වරායේ ඇති බව රේගු අධ්යක්ෂ, රේගු මාධ්ය ප්රකාශක චන්දන පුංචිහේවා පවසනවා.
අද (26) පෙරවරු මාධ්ය හමුවක් කැඳවමින් රේගු අධ්යක්ෂවරයා මේ බව සඳහන් කළ අතර, මෙම වාහන 1,025න් වාහන 625ක් ආනයනය කර මාස 06ක් ඉක්මවා ඇති බවයි ඔහු සඳහන් කළේ.
මෙලෙස හම්බන්තොට වරායේ නවතා ඇති වාහන 1,025න් එකඳු වහනයක් හෝ රේගු වරදක් පිට රඳවාගත් වාහන නොමැති බවයි ඔහු වැඩිදුරටත් පැවසුවේ.
මෙලෙස ආනයනය කර තවමත් නිදහස් කරගෙන නොගිය වාහන සම්බන්ධයෙන් රේගු ආඥා පනත යටතේ කටයුතු කරන බව රේගු අධ්යක්ෂවරයා පවසා සිටියා.
ඒ, අනුව මෙම වාහන ටෙන්ඩර් මඟින් හෝ වෙන්දේසි මඟින් විකිණීමට සිදුවන බවයි ඔහු මෙහිදී සඳහන් කර සිටියේ.
විදේශ විනියම වැයකර රට තුළට භාණ්ඩ ගෙනවිත් ආනයනකරුවන් විසින් එම භාණ්ඩ මේ ආකාරයෙන් අදාළ තීරු බදු හා රේගු බදු ගෙවා නිදහස් කර නොගැනීම තුළ ආර්ථිකයට දැඩි බලපෑමක් එල්ලවන බවයි රේගු අධ්යක්ෂවරයා අවධාරණය කළේ.
එමෙන්ම වරාය සතු භූමිය තුළා එකම භාණ්ඩයක් මෙලෙස මාස ගණනාවක් රඳවා තැබීම තුළ වරායට ආදායම් උපයා ගැනීමට ඇති මාර්ග ද ඇහිරී යන බවත් ඔහු මෙහිදී අදහස් දක්වමින් පැවසුවා.
