පාකිස්තානයේ හිටපු අගමැති ඉම්රාන් ඛාන්ගේ බිරිඳගේ හිටපු ස්වාමිපුරුෂයා ඔවුන්ට එරෙහිව නඩුවක් ගොනු කර තිබෙනවා.
හිටපු අගමැතිට සහ ඔහුගේ බිරිඳට වංචනික විවාහ චෝදනා එල්ල කරමින් මෙම නඩුව ගොනු කර ඇති බවයි විදෙස් මාධ්‍ය වාර්තා කළේ.
71 හැවිරිදි ඉම්රාන් ඛාන් සහ බිරිඳ වන 49 හැවිරිදි බුෂ්රා බිබීට එරෙහිව ඛාවර් මනේකා නම් පුද්ගලයා විසින් මෙම නඩුව ගොනු කර ඇත්තේ අදාළ විවාහ මංගල්‍යය වංචනික ලෙස නීත්‍යානුකූල නොවන ආකාරයෙන් සිදු කිරීම ඇතුලු චෝදනා යටතේයි.
අල්ලස් නඩුවක් සම්බන්ධයෙන් රක්ෂිත බන්ධනාගාර ගත කර ඇප ලබා සිටි Khawar Maneka, චෝදනා කරන්නේ Imran Khan විසින් තම විවාහ ජීවිතය විනාශ කිරීමට වගකිව යුතු බවයි.
ඉම්රාන් ඛාන් සහ තම හිටපු බිරිඳ වන බුෂ්රා බීබී නීතියට අනුකූලව කැඳවා දඬුවම් කළ යුතු බව ඛාවාර් මනේකා උසාවියෙන් ඉල්ලා තිබෙනවා.
Pakistan Tehreek-e-Insaf පක්ෂයේ නායකයා ද වන ඉම්රාන් ඛාන් තමා නිවසේ නොමැති අවස්ථාවල තම නිවසට නිතර ගිය බවත් එය අනවශ්‍ය පමණක් නොව සදාචාර විරෝධී බවයි මෙම පුද්ගලයා පෙන්වා දෙන්නේ.
ඔහු වැඩිදුරටත් කියා සිටියේ බුෂ්රා බිබී තම බිරිඳ ලෙසට සිටි සමයේ ඉම්රාන් ඛාන් ඇයට රාත්‍රියේ ද කතා කරන බවත්, ඔහුට සන්නිවේදනය සඳහා වෙනම දුරකථන අංක සහ ජංගම දුරකථන ද ලබා දී ඇති බවයි. අනතුරුව තමා 2017 වසරේ නොවැම්බර් 14 වන දින බුෂ්රා බිබි දික්කසාද කළ බවයි Khawar Maneka පැවසුවේ.
