ශ්රී ලංකා නිදහස් පක්ෂයේ නිර්මාතෘ සහ හිටපු අග්රාමාත්ය දිවංගත එස්.ඩබ්ලිව්.ආර්.ඩී බණ්ඩාරනායකගේ 124 වැනි ඡන්ම දින සැමරුම අදට (08) යෙදී තිබෙනවා.
ඒ වෙනුවෙන් ශ්රී ලංකා නිදහස් පක්ෂයේ කණ්ඩායම් දෙකක් වෙන වෙනම සැමරුම් උත්සව සංවිධානය කර තිබුණා.
ඉන් එක් සැමරුම් උත්සවයක් අග්රාමාත්ය දිනේෂ් ගුණවර්ධන සහ හිටපු ජනාධිපතිනි චන්ද්රිකා බණ්ඩාරනායක කුමාරතුංගගේ ප්රධානත්වයෙන් පැවැත් වුණා.
ඒ, ගාලු මුවදොර පිහිටි එස්.ඩබ්ලිව්.ආර්.ඩී බණ්ඩාරනායක පිළිරුව අසලදීයි.
මෙම සැමරුම් උත්සවයට නිදහස් පක්ෂයෙන් ඉවත්ව ආණ්ඩු පක්ෂයේ අමාත්ය ධුර දරණ, නිමල් සිරිපාල ද සිල්වා, මහින්ද අමරවීර, නිදහස් පක්ෂයේ හිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක, පාර්ලිමේන්තු මන්ත්රී මහාචාර්ය ජී.එල්.පීරිස්, පාර්ලිමේන්තු මන්ත්රී කුමාර වෙල්ගම ඇතුළු පිරිසක් සම්බන්ධ වී සිටියා.
මේ අතර අනෙක් සැමරුම් උත්සවය ශ්රී ලංකා නිදහස් පක්ෂ සභාපති, හිටපු ජනාධිපති මෛත්රීපාල සිරිසේනගේ ප්රධානත්වයෙන් එම පක්ෂ මූලස්ථානයේ දී පැවැත් වුණා.
නිදහස් පක්ෂ මූලස්ථානයේ පැවති උත්සවයට එහි මහලේකම්, පාර්ලිමේන්තු මන්ත්රී දයාසිරි ජයසේකර ඇතුළු පක්ෂ සාමාජික සාමාජිකාවන් එක්ව සිටියා.
