පාර්ලිමේන්තුව අද (18) පෙරවරු 9.30ට කතානායක ජගත් වික්රමරත්නගේ ප්රධානත්වයෙන් රැස්වීමට නියමිතයි.
22 වන ආණ්ඩුක්රම ව්යවස්ථා සංශෝධනය සහ අධිකරණ සංවිධාන සංශෝධන පනත් කෙටුම්පත අද (18) පාර්ලිමේන්තුවට ඉදිරිපත් කිරීමට නියමිතව තිබෙනවා .
අධිකරණ හා ජාතික ඒකාබද්ධතා අමාත්ය හර්ෂණ නානායක්කාර විසින් එම සංශෝධන පනත් කෙටුම්පත අද (18) දිනයේ පාර්ලිමේන්තුවට ඉදිරිපත් කිරීමට නියමිතයි.
මෙම ආණ්ඩුක්රම ව්යවස්ථා සංශෝධන පනත් කෙටුම්පත මඟින් ශ්රේෂ්ඨාධිකරණ විනිසුරුවරුන්ගේ විශ්රාම වයස අවුරුදු 65 සිට 67 දක්වාත්, අභියාචනාධිකරණ විනිසුරුවන්ගේ විශ්රාම වයස අවුරුදු 63 සිට 65 දක්වාත් ඉහළ දැමීමට යෝජනා වී තිබෙනවා.
ඊට අමතරව මහාධිකරණ, දිසා අධිකරණ සහ මහේස්ත්රාත් අධිකරණවල විනිසුරුවරුන්ගේ විශ්රාම වයස අවුරුදු 62 දක්වා ඉහළ නැංවීමට ද මෙමඟින් යෝජිතයි.
මෙම පනත් කෙටුම්පතක ගැසට් නිවේදනය නිකුත් කිරීමෙන් සතියකට පසු එය පළමුවර කියවීම සඳහා පාර්ලිමේන්තුවට ඉදිරිපත් කළ යුතුයි.
එය පාර්ලිමේන්තුවට ඉදිරිපත් කිරීමෙන් අනතුරුව අධිකරණය වෙත පෙත්සම් ඉදිරිපත් කිරීමට සතියක කාලයක් හිමිවනවා.
එලෙස ඉදිරිපත් කෙරෙන ශ්රේෂ්ඨාධිකරණය පෙත්සම් විභාග කර අවසන්ව දින 03ත් 21ත් අතර කාලයේ දී ශ්රේෂ්ඨාධිකරණ තීරණය පාර්ලිමේන්තුවේ කතානායකවරයා වෙත දැනුම්දීම සිදුකළ යුතුයි.
