ජනවාරි 08 වන දින උඩදුම්බර ප්රදේශයේ දෙපිරිසක් අතර ඇති වු ගැටුමකින් එක් අයෙකු ඝාතනය කර පුද්ගලයන් දෙදෙනෙකුට තියුණු ආයුධ වලින් පහරදී බරපතල තුවාල සිදුකිරීම සම්බන්ධයෙන් විමර්ශනයක් උඩදුම්බර පොලිසිය ආරම්භ කර තිබෙනවා.
09 වන දින මෙම අපරාධයට සම්බන්ධ සැකකරුවෙකු අත්අඩංගුවට ගෙන තෙල්දෙණිය මහේස්ත්රාත් අධිකරණයට ඉදිරිපත් කර රක්ෂිත බන්ධනාගාර ගත කර ඇති අතර 10 වන දින තවත් සැකකරුවන් දෙදෙනෙක් උඩදුම්බර පොලිසිය අත්අඩංගුවට ගත් බව පොලිසිය පවසනවා.
අත්අඩංගුවට පත් සැකකරුවන් වයස අවුරුදු 29 හා 35 වයස් වල පසුවන මැද මහනුවර පදිංචිකරුවන්ය.
සැකකරුවන් අද දින (11) තෙල්දෙණිය අධිකරණය වෙත ඉදිරිපත් කරන අතර උඩදුම්බර පොලිසිය මේ සම්බන්ධයෙන් වැඩිදුර විමර්ශන සිදු කරයි.