හොරණ මූලික රෝහලෙන් සයිනොෆාම් එන්නතේ පළමු මාත්රාව ලබාගැනීම සඳහා පැමිණි වයස අවුරුදු 60 ඉක්මවූ පුද්ගලයින්ට අද (01) එන්නත ලබානොගෙන හැරී යාමට සිදුවී ඇති බව වාර්තා වේ.
ඒ, රෝහලට ලැබුණු එන්නත් තොගය අවසන් වී ඇති බව රෝහල් පාලනාධිකාරිය ඔවුන්ට දැනුම්දීම හේතුවෙනි.
වයෝවෘද්ධ පුද්ගලයින් රැසක් එතෙක් දිගු පෝලිම්වල රැඳීසිටීම නිසා දැඩි අපහසුතාවට පත්ව සිටිනු දක්නට ලැබුණි.
මේ හේතුවෙන් ජනතාවගෙන් රෝහල් බලධාරීන් වෙත එල්ල වුණේ දැඩි විරෝධයකි.
මේ අතර බද්දේගම ඇඟලුම් කම්හල් ආශ්රිතව ආසාදිතයින්ගේ ඉහළයාමක් දක්නට ලැබෙන බව වාර්තා වේ.
එබැවින් තමන්ට වහාම එන්නත් ලබාදෙන ලෙස රජයට බල කරමින් බද්දේගම නගරවැසියන් අද (01) උද්ඝෝෂණයක් පැවැත්විය.
