ව්‍යාජ මුදල් නෝට්ටු මුද්‍රණය කළ පාසල් ශිෂ්‍යයෙකු සහ තවත් පුද්ගලයින් දෙදෙනකු පොලිස් අත් අඩංගුවට ගෙන තිබෙනවා.
මෙම අත් අඩංගුවට ගැනීම අද (26) දිනයේ දී තඹුත්තේගම නගරයේ දී සිදු කළ බවයි පොලිසිය පැවසුවේ.
ඊයේ (25) දිනයේ දී තඹුත්තේගම දී ව්‍යාජ රුපියල් 500 නෝට්ටු කොළ 06ක් සමග අත් අඩංගුවට ගත් සැකකරුගෙන් සිදු කළ දීර්ඝ ප්‍රශ්න කිරීම්වලින් පසුවයි මෙම මෙහෙයුම සිදු කර අද දිනයේ දී සෙසු සැකකරුවන් තිදෙනා අත්අඩංගුවට ගෙන ඇත්තේ.
සැකකරුවන් සන්තකයේ තිබී මුද්‍රණය කළ ව්‍යාජ මුදල් නෝට්ටු රුපියල් 5000න් නෝට්ටු 8 ක්, 500 නෝට්ටු 149ක් සමග
ලැප්ටොප් පරිගණකයක්, වර්ණ මුද්‍රණ යන්ත්‍රයක්, මෙමෙරි චිප් ආදිය පොලිස් භාරයට ගැනුණා.
සැකකරුවන් හෙට්ටිපොළ පොලිස් වසමේ පඬුවස්නුවර හා හෙට්ටිපොළ ප්‍රදේශයේ පදිංචිකරුවන්.
පාසල් සිසුවා ප්‍රදේශයේ ප්‍රසිද්ධ පාසලක උසස් පෙළ තොරතුරු තාක්ෂණ විෂයය ධාරාවෙන් ඉගෙනුම ලබන්නෙකු බවත් හෙළි ව තිබෙනවා.
මෙම සිද්ධියේ ප්‍රධාන සැකකෞ පඬුවස්නුවර ප්‍රදේශයේ ම පදිංචි මුස්ලිම් ජාතිකයෙක් බවත්; ඔහු පාසල් සිසුවාගෙන් තාක්ෂණික සහාය ගනිමින් මෙම කටයුතු සිදු කරගෙන ගොස් ඇති බවත් හෙළි ව ඇති බවයි පොලිසිය පැවසුවේ.
එමෙන්ම තවත් මුස්ලිම් ජාතික පුද්ගලයෙකු ලවා ව්‍යාජ මුද්‍රණ නෝට්ටු බෙදා හැර තිබෙනවා.
සිද්ධිය සම්බන්ධයෙන් අත්අඩංගුවට ගත් සැකකරුවන් තඹුත්තේගම මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
