ලෙබනනයේ සිටි හිස්බුල්ලා සංවිධානයේ නායක හසන් නස්රල්ලා ඝාතනය කළ බව ඊශ්‍රායල හමුදාව ප්‍රකාශ කරනවා.
ඊයේ (27) පස්වරුවේ ලෙබනනයේ බීරූට් වෙත එල්ල කළ දැවැන්ත ගුවන් ප්‍රහාර මාලාවකින් ඔහු මියගොස් ඇති බවයි ඊශ්‍රායල හමුදා වැඩිදුරටත් සඳහන් කරන්නේ.
කෙසේ වෙතත් හසන් නස්රල්ලාගේ ඝාතනය සම්බන්ධයෙන් ලෙබනනයේ හිස්බුල්ලා සංවිධානය විසින් තවමත් කිසිඳු ප්‍රකාශයක් සිදුකර නැහැ.
මහල් නිවාස ඇතුළු ගොඩනැගිලි ඉලක්ක කර ගනිමින් පසුගිය දින කිහිපය තුළ ඊශ්‍රායල එල්ල කළ ගුවන් ප්‍රහාරවලින් කුඩා ළමුන් ඇතුළු 700 කට වැඩි පිරිසක් මිය ගොස් ඇති බවයි විදෙස් මාධ්‍ය වැඩිදුරටත් තොරතුරු වාර්තා කරන්නේ.
