පසුගිය මාර්තු මස 01 වන දින පවත්වන ලද විවෘත තරඟ විභාගයේ ප්රතිඵල මත, කුසලතා අනුපිළිවෙලට සුදුසුකම් ලත් අයදුම්කරුවන්ගේ සම්මුඛ පරීක්ෂණ 2026.07.01 දින පවත්වන ලද අතර එහි ප්රතිඵල අනුව සුදුසුකම් සපුරාලූ අයදුම්කරුවන් 49 දෙනෙක් වෙත ඊයේ (23) දිනයේ පත්වීම් ලිපි ප්රදානය කෙරුණා.
රාජ්ය පරිපාලන, පළාත් සභා හා පළාත් පාලන අමාත්ය මහාචාර්ය චන්දන අබයරත්නගේ ප්රධානත්වයෙන් මෙම උත්සවය පැවැත්වුණා.
මෙම නව නිලධාරීන් දිවයින පුරා පිහිටි ප්රාදේශීය ලේකම් කාර්යාලවල පවතින අතිරේක දිස්ත්රික් රෙජිස්ට්රාර් පුරප්පාඩු සඳහා අනුයුක්ත කිරීමට නියමිතයි.
උත්සව සභාව ඇමතූ මහාචාර්ය චන්දන අබයරත්න පෙන්වා දුන්නේ උපතේ සිට මරණය දක්වා අවශ්ය සහතික ලබාගැනීමේදී ජනතාව මුහුණ දුන් කටුක අත්දැකීම් අනාගත පරපුරට මුහුණ දීමට සිදු නොවෙන ආකාරයෙන් කටයුතු කළ යුතු බවත් මරණාධාර සමිතියකින් ලබාදෙන සහනයක් ගැනීමට, රක්ෂණ වන්දි, වැන්දඹු අනත්දරු විශ්රාම වැටුප් ආදී බොහෝ සහන ලබාගැනීමට ගන්න මරණ සහතිකය කඩිනමින් ලබා දීමට අවශ්ය බවයි.
