spot_imgspot_img
spot_img
SLIC Banner
Empty Ad
Empty Ad

මුහුදුබඩ දුම්රිය මාර්ගයේ දුම්රිය කාලසටහනේ වෙනසක්

හෙට (01) සිට මුහුදුබඩ දුම්රිය මාර්ගයේ දුම්රිය කාලසටහන සංශෝධනය කිරීමට දුම්රිය දෙපාර්තමේන්තුව කටයුතු කර තිබෙනවා.

ඒ, අනුව දුම්රිය දෙපාර්තමේන්තුව සඳහන් කරන්නේ මාතර දුම්රිය ස්ථානයෙන් ගමන් ආරම්භ කළ රුහුණු කුමාරි සීඝ්‍රගාමී දුම්රිය හෙට (01) දිනයේ සිට පෙරවරු 5.25ට බෙලිඅත්ත දුම්රිය ස්ථානයේ සිට ගමන් ආරම්භ කරන බවයි.

මේ අතර සතියේ දිනවල පමණක් ධාවනය වූ සාගරිකා සීඝ්‍රගාමී දුම්රිය සෙනසුරාදා දිනයේ ද ධාවනය කිරීමට නියමිත බවයි වාර්තා වන්නේ.

එමෙන්ම පස්වරු 2.00ට මරදාන දුම්රිය ස්ථානයේ සිට අලුත්ගම දක්වා ධාවනයවන දුම්රිය පස්වරු 1.55ට එනම් විනාඩි 05ක් කලින් ගමන් ආරම්භ කිරීමට නියමිතයි.

සතියේ දිනවල රාත්‍රි 8.35ට මරදාන දුම්රිය ස්ථානයේ සිට දකුණු පයාගල දක්වා ධාවනයවන දුම්රිය හෙට (01) සිට අලුත්ගම දුම්රිය ස්ථානය දක්වා ගමනාන්තය දීර්ඝ කර තිබෙනවා.

ඔබේ ප්‍රතිචාරය කුමක්ද ?
+1
6
+1
0
+1
3
+1
0
+1
0
+1
0
+1
1
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?