වයස අවුරුදු 18ක තරුණයෙකු ඝාතනය කර පලාගොස් සැඟව සිටි වයස අවුරුදු 70ක පුද්ගලයෙක් අත්අඩංගුවට ගැනීමට පොලිසියට හැකිව තිබෙනවා.
පසුගිය 17 වනදා කොටවෙහෙර පොලිස් වසමේ දිගැන්නෑව ප්‍රදේශයේ දී ඇඳ පොල්ලකින් පහර දී සැකකරු විසින් මෙම ඝාතනය සිදුකර ඇති බවයි පොලිසිය සඳහන් කළේ.
අනතුරුව සැකකරු ප්‍රදේශයේ පලාගොස් සැඟව සිටිය දී මෙලෙස අත්අඩංගුවට ගෙන තිබෙනවා.
අත්අඩංගුවට ගැනුණු සැකකරු ඝාතනයට ලක්වූ තරුණයාගේ සීයා බවයි අනාවරණය වී ඇත්තේ.
සැකකරු අද (22) නිකවැරටිය මහේස්ත්‍රාත් අධිකරණය හමුවට ඉදිරිපත් කිරීමට නියමිත බවයි පොලිසිය වැඩිදුරටත් පැවසුවේ.
මෙම ඝාතනය සම්බන්ධයෙන් සිදුකළ වැඩිදුර විමර්ශන වලදී අනාවරණය වී ඇත්තේ සැකකාර සීයා විසින් මිත්තණියට ලිංගික හිරිහැර කිරීම් සිදුකිරීමට යන අවස්ථාවන් වලදී මිත්තණිය විසින් ඒ බව 18 හැවිරිදි මුණුපුරාට දැනුම් දී ඇති බවයි.
එහිදී මුණුපුරා විසින් එලෙස නොකරන ලෙස දන්වමින් ඊට විරුද්ධ වීම හේතුවෙන් සැකකරු මෙම ඝාතනය සිදුකර ඇති බවයි හෙළිව ඇත්තේ.
ඝාතනයට ලක්වූ තරුණයාගේ මව මේ වනවිට විදෙස් ගතව සිටින අතර, පියා කොළඹ ප්‍රදේශයේ රැකියාවක නිරතව සිටින බවයි පොලිසිය වැඩිදුරටත් සඳහන් කළේ.
මේ මගේ හොදම යාලුවා.. එයා හරි අහිංසකයි.. මේ සීයට දඩුවම් දිය යුතුයි. අනිවාරයෙන්ම. එයා ක්‍රීඩා වලටත් ගොඩක් දක්ශයි.. ඒ අහින්සකයා මරන්න මේ තරම් තරහක් ආවේ කොහොමද. ඒකත් පොල්ලකින් ගහලා මරලා තියෙන්නෙ.. කොච්චර වේදනාවක් ඇති වෙන්න ඇතිද.. පව් ..