මම ලොකු වරදක් කළේ. ඔයාලට නින්දා අපහාස විඳින්න වෙයි. ඒවා විඳ දරාගෙන ජීවත් වෙන්න..

March 3, 2021

99867

අනියම් සම්බන්ධය නිසා වේල්ලවීදියේ තරුණිය ඝාතනයෙන් පසු ඝාතකයා බිරිඳට ලියූ ලිපිය….

ඝාතනයට ලක්වූ ලිහිණියාකුඹුර දුලනිගේ දිලිණි යසෝදා ජයසූරිය (30) හැවිරිදි කුරුවිට තෙප්පාගම බඩෝගම පදිංචි අවිවාහක කන්තාවක් ඇයගේ සොහොයුරා ප්‍රදේශයේ ප්‍රාදේශීය දේශපාලඥයෙක්. ඇය හා අනියම් සම්බන්ධයක් ඇතිකරගත් අධිකාරී මුදියන්සේලාගේ ප්‍රේමසිරි 52 හැවිරිදි විවාහක දෙදරු පියෙක් වන අතර ඔහු බුත්තල පොලිසියේ SI කෙනෙකු වශයෙන් රාජකාරි කොට තිබෙනවා.

සැකකරු ඉකුත් 27 වනදා ඝාතනයට ලක්වූ තරුණිය සමඟ හංවැල්ල ප්‍රදේශයේ හෝටලයක 106 වන කාමරය කුලියට ගෙන තිබෙනවා. ඒ රාත්‍රි 10 ට පමණ.හෝටලයේ සිටි කාලය තුල මොවුන් දෙදෙනා තුන් වතාවක් පමණ හෝටලයෙන් එලියට ගොස් තිබෙනවා. පෙරේදා (1) උදෑසන 10ට පමණ සැකකරු අදාල තරුණිය හෝටල් කාමරය තුලදී මරා බෑගයකට දමාගෙන ත්‍රිරෝද රථයකින් හංවැල්ල නගරයට ගොස් තිබෙනවා. තරුණිය මරා පැය කිහිපයකට පසුව හිස කදෙන් වෙන් කරන්නට ඇතැයි පොලිසිය අනුමාන කරනවා. මෙතෙක් ඇයගේ හිස හමුවී නැහැ.

වේල්වීදියෙන් මෘත ශරීරය හමුවූ බව දැනගත් විගස හෝටල් හිමිකාරිිනියට දුරකථනයෙන් කතා කල සැකකරු තමා පිළිබඳ තොරතුරු හෙලි කලහොත් මරා දමන බවට තර්ජනය කර තිබෙනවා.

ඝාතනයට ලක්වූ තරුනිය ශ්‍රීපාද වන්දනාවේ යන බව පවසා ඇයගේ ගෙදරින් පිටවී තිබෙනවා. මෙම සියළු සිද්ධි අනාවරණය කරගැනීමෙන් පසු සැකකරු සොයා පොලිසිය ඔහුගේ බඩල්කුඹුර වෙහෙරගොඩ නිවසට යද්දී සැකකරු නිවසේ පිටුපස දොරින් කැලෑවකට පැනගොස් තිබෙනවා. කැලෑවට පනින්නට පෙර ඔහු බිරිඳගෙන් සමාව ඉල්ලා මෙසේ ලිපියක් ද ලියා තිබෙනවා. මම ලොකු වරදක් කලේ. ඔයාලට නින්දා අපහාස විඳින්න වෙයි. ඒවා විඳදරාගෙන ජීවත් වෙන්න. අම්මාගේ තුන්මාසේ දානේ දෙන්න. පොලිසිය මාව හොයා ගන්න පුළුවන් තැනක සූසයිඩ් කරගන්නවා. ඊයේ (2) දා රාත්‍රී පොලිසිය සමඟ සැකකරුගේ බිරිඳ දරු දෙදෙනා සමඟ කැළෑබද ප්‍රදේශයට ගොස් ඔහුට කෑ ගසා අඬ ගැසූවත් ඔහු පැමිණ නැහැ.