වර්තමානය වන විට ආර්ථික, සමාජීය ගැටලු රැසකට ජන සමාජය මුහුණ දෙන බවත්, ජනතාවට පවුල් ඒකකය තුළ තම අවශ්යතා පවා සපුරා ගැනීමට නොහැකිව ඇති බවත්, විපක්ෂ නායක සජිත් ප්රේමදාස පවසනවා.
එහෙත් දෙමාපියන් සෑම විටම දූ දරුවන්ට මුල්තැන දීමේ වගකීම එළෙසම පවත්වාගෙන යා යුතු බවට පැවසු විපක්ෂ නායකවරයා, දූ දරුවන්ට ලැබෙන නිසි පෝෂණය, සෞඛ්ය සම්පන්න භාවය, අධ්යාපනය, සමාජ ආරක්ෂාව පිළිබඳ දෙමාපියන් වැඩි වශයෙන් අවධානය යොමු කළ යුතු බවටද පෙන්වා දුන්නා.
ඔහු මේ බව කියා සිටියේ, කුලියාපිටිය නගරයේ පෙරපාසල් 11ක දූදරුවන් 550 දෙනෙක් සඳහා පාසල් බෑග් බෙදා දීම වෙනුවෙන් කුලියාපිටිය නගර සභා ශාලාවේ දී පැවැති උත්සවයක් අමතමින්.
ඒ අනුව ළමා අයිතීන් රටේ මූලික අයිතියක් විය යුතු බවයි විපක්ෂ නායකවරයා සඳහන් කළේ.
දේශයේ අනාගතය වන දූදරුවන් සම්බන්ධයෙන් විශාල වගකීමක් දෙමාපියන්ට ඇති අතර ඔවුන් රැකබලා ගැනීම, නිසි රැකවරණය ලබා දීම, ශක්තිය ආරක්ෂාව ලබාදීම දෙමාපියන්ගේ වගකීමක් බව දියණියක් සිටින පියෙක් ලෙස තමාත් දරුවන්ගේ වැදගත්කම සහ දෙමාපියෙක් ලෙස එම වගකීම හොඳින් දන්නා බවත්, මේ දරුවන්ට ලබා දිය යුතු නිසි කරුණාව දයාව රැකවරණය ආදරය ආරක්ෂාව ලබාදෙන්නට සෑම අවස්ථාවකම කටයුතු කළ යුතු බවත් විපක්ෂ නායකවරයා වැඩිදුරටත් පවසා සිටියා.
