මහනුවර, හන්තාන සඳගිරි සෑ චෛත්ය රාජයාණන් වහන්සේගේ ගර්භයට පිවිසෙන දොරටු ද්විත්වය බිඳ, එහි තැන්පත්කර තිබූ රන්මාල සහ මැණික් ඇතුළු පූජා භාණ්ඩ රැසක් සොරකම්කර ඇති බවට වාර්තා වනවා.
මෙම සිදුවීම සම්බන්ධයෙන් මහනුවර මූලස්ථාන පොලිසිය විසින් මේ වන විට විමර්ශන ආරම්භ කර ඇති බවයි වාර්තා පොලිසිය සඳහන් කළේ.
සඳගිරි සෑය විහාරාධිපති පූජ්ය ගඟසිරිපුර ධම්මාලෝක හිමියන් සඳහන් කළේ මෙම සොරකම අද (23) අලුයම් කාලයේ දී සිදුව ඇති බවයි.
චෛත්ය ගර්භයේ තැන්පත් කොට තිබූ රන් කරඬුවට පළඳවා තිබූ මැණික් සහිත රන්මාල ඇතුළු පූජා භාණ්ඩ ප්රමාණයක් අතුරුදහන්ව ඇතිනමුත් වාසනාවකට මෙන් රන් කරඬුවට සහ අනෙකුත් වටිනා පූජා භාණ්ඩවලට හෝ එහි වැඩසිටින ධාතූන් වහන්සේලාට කිසිදු හානියක් සිදුව නොමැති බවට උන්වහන්සේ වැඩිදුරටත් සඳහන් කළා.
ඔබේ ප්රතිචාරය කුමක්ද ?
+1
+1
+1
+1
+1
3
+1
+1
