එප්පාවල, හුරිගස්වැව ප්රදේශයේ විවෘත කිරීමට නියමිත අවමංගල්ය ශාලාවකට (මල්ශාලාවකට) විරෝධය පළකරමින් ප්රදේශවාසීන් විසින් අද (17) නිහඬ විරෝධතාවයක නිරත වුණා.
තලාව ප්රාදේශීය ලේකම් කොට්ඨාසයේ එප්පාවල, හුරිගස්වැව ගම්මානයේ පිහිටි හුරිගස්වැව වැවට මායිම්ව, එප්පාවල – තඹුත්තේගම ප්රධාන පාරට මුහුණ ලා පිහිටි ඉඩමක මෙම අවමංගල්ය ශාලාව ආරම්භ කිරීමට සූදානම් කර තිබෙනවා.
ඒ සඳහා වන ගොඩනැඟිල්ල ද මේ වනවිට අර්ධ වශයෙන් ඉදිකර අවසන්.
හුරිගස්වැව වැව කේන්ද්ර කර ගනිමින් තම ගම්මානය නිර්මාණය වී ඇති බවත්, වැව ආසන්නේ මල්ශාලාවක් ඉදිකර මෘත දේහයන්ගේ එහි අවමංගල කටයුතු සඳහා සකස් කිරීමේ දී ඒවායේ අපද්රව්ය වැවට එකතු විය හැකි බවට විරෝධත්වයේ නිරත ප්රදේශවාසීන් පවසනවා.
එමෙන්ම මල්ශාලාව තුළ අවමංගල්යයක් සඳහා මෘත දේහ සකස් කරන තුරු ඥාතීන් සහ හිතවතුන් ඒ අසල රැදී සිටිමින් මත්පැන් පානය කිරීම තුළින් අවට නිවෙස්වලට ද බාධා සිදුවිය හැකි බවයි ප්රදේශවාසීන් පෙන්වා දෙන්නේ.
ඒ, අනුව මේ සම්බන්ධයෙන් අදාළ බලධාරීන් අවධානය යොමු කර මෙම ස්ථානයේ අවමංගල්ය ශාලාවක් ආරම්භ කිරීමට අවස්ථාව ලබා නොදෙන ලෙසයි ඔවුන් ඉල්ලා සිටින්නේ.
මෙහිදී විරෝධතාවයේ නිරත ප්රදේශවාසීන් විසින් අත්සන් ලබා ගත් පෙත්සම ද අදාළ බලධාරීන් වෙත ඉදිරිපත් කරන බව ඔවුන් පැවසුවා.
wpDiscuz
