ලොව එතෙක් මෙතෙක් බිහි වූ විශිෂ්ටතම ටෙස්ට් පිතිකරුවෙකු වන ඉන්දීය ක්‍රීඩක විරාට් කෝලි තමන් ජාත්‍යන්තර ටෙස්ට් පිටියෙන් නිල වශයෙන් සමු ගන්නා බවට අද (12) දිනයේ දී සිය ඉන්ස්ටර්ග්‍රෑම් ගිණුම හරහා දැනුම්දීමෙන් පසුව ඔහුගේ ආදරණීය බිරිඳ වන බොලිවුඩ් නිලි අනුෂ්කා ෂර්මා ද කෝලි පිළිබඳ ව විශේෂ සටහනක් තබා තිබෙනවා.
ඒ සිය නිල මුහුණුපොතේ යි.
අනුෂ්කා පවසා ඇත්තේ මෙවැන්නක්;
” බොහෝ දෙනා ඔබගේ වාර්තා සහ සන්ධිස්ථාන ගැන කතා කරාවි, ඒත් ඔබ කවදාවත් නොපෙන්වූ කඳුළු, කිසිවෙකු නොදුටු තීරණාත්මක සටන් සහ ඔබ මෙම ක්‍රීඩාව වෙනුවෙන් ලබා දුන් අප්‍රමාණ වූ ආදරය මට හොඳින් මතකයි. මේ සියලු ම දේ ඔබෙන් කොපමණ ප්‍රමාණයක් ලබා ගත්තා ද යන්න මම දනිමි. සෑම ටෙස්ට් තරගාවලියකටම පසු, ඔබ යම්තාක් දුරකට නුවණැතිව, නිහතමානීව ආපසු පැමිණියා. ඒ සියල්ල හරහා ඔබ පරිණාමය වී දැකිය හැකි වුණා.
කෙසේ හෝ, මම සැමවිටම සිතුවේ ඔබ සුදු ඇඳුමින් සැරසී ජාත්‍යන්තර ක්‍රිකට් ක්‍රීඩාවෙන් විශ්‍රාම ගනු ඇතැයි කියායි – නමුත් ඔබ සැමවිටම ඔබේ හදවත කියන දේ ඉටු කරමින් සිටින්නෙක්, එබැවින් මට මගේ ආදරය ඔබ වෙත පැවසීමට අවශ්‍යයි, ඔබ මේ සමුගැනීමේ සෑම කොටසක් ම උපයාගත් අයෙක්.” යනුවෙන්.
