පකිස්ථාන පාලනය යටතේ පවතින කාශ්මීර කලාපයේ (Azad Jammu and Kashmir – AJK) පවතින ආර්ථික සහ සමාජීය ගැටලුවලට විසඳුම් ලබා දීමට රජය දුන් පොරොන්දු ඉටු නොකිරීම හේතුවෙන්, එහි මහජන නොසන්සුන්තාවය සහ විරෝධතා නැවතත් දරුණු ලෙස හිස ඔසවමින් පවතින බව ජාත්යන්තර දේශපාලන සහ උපායමාර්ගික අධ්යයන කේන්ද්රය (ICPS) වාර්තා කරනවා.
මීට පෙර ප්රදේශයේ ඇති වූ දැවැන්ත මහජන විරෝධතා හමුවේ, විදුලි ගාස්තු සහ තිරිඟු පිටි ඇතුළු අත්යවශ්ය භාණ්ඩ සඳහා සහන ලබා දීමට පකිස්ථාන මධ්යම රජය සහ දේශීය පාලනය එකඟ වී තිබුණා.
එහෙත් එම පොරොන්දු ප්රායෝගිකව ඉටු කිරීමට බලධාරීන් අපොහොසත් වීම හේතුවෙන් ‘අවාමි ඇක්ෂන් කමිටුව’ (Awami Action Committee) ඇතුළු සිවිල් සංවිධාන සහ ජනතාව නැවතත් වීදි බැසීමට කටයුතු කර තිබෙනවා.
කලාපය තුළ දැඩි උද්ධමනය, විරැකියාව සහ මූලික යටිතල පහසුකම් නොමැතිකම හේතුවෙන් ජන ජීවිතය දැඩි ලෙස පීඩාවට පත්ව ඇත. කාශ්මීරයේ ස්වභාවික සම්පත් සහ ජල විදුලිය පකිස්ථානයේ සෙසු ප්රදේශ සඳහා භාවිත කරන නමුත්, තමන්ට ඉන් සාධාරණ ප්රතිලාභ හෝ අඛණ්ඩ විදුලි සැපයුමක් නොලැබෙන බවට දේශීය වැසියෝ දිගින් දිගටම චෝදනා කරනවා.
මෙම තත්ත්වය හමුවේ කලාපය පුරා ව්යාපාර වසා දමා ඇති අතර, ප්රධාන නගරවල දැඩි ආරක්ෂක රැකවල් යොදවා තිබෙනවා.
පවතින නොසන්සුන්තාවය පාලනය කිරීමට රජය වහාම සාකච්ඡා මාර්ගයෙන් ස්ථිර විසඳුමක් ලබා නොදුනහොත්, මෙම ගැටලුව කලාපීය ආරක්ෂාවට බලපාන සන්නද්ධ අර්බුදයක් දක්වා වර්ධනය විය හැකි බව දේශපාලන විශ්ලේෂකයෝ අනතුරු අඟවනවා.
