ආරුගම්බේ මුහුදු තීරයේ දිය නාමින් සිටි විදේශිකයෙකු දියේ ගිලීමේ දී බේරා ගැනීමට පොලිස් විශේෂ කාර්‍යය බලකාය ආරුගම්බේ කඳවුරේ ජීවිතාරක්ෂක කණ්ඩායමේ නිලධාරීන් කටයුතු කළා.
ඊයේ (01) දින මෙම අනතුර සිදු ව ඇත්තේ පොතුවිල් පොලිස් වසමේ ආරුගම්බේ උල්ල වෙරළ තීරයේදීයි.
එහිදී ජීවිතාරක්ෂක මුරකුටිය ඉදිරිපිට වෙරළේ සිට මීටර් 600 ක් පමණ දුරින් මෙම අනතුර සිදු ව තිබෙනවා.
අනතුරට මුහුණපා ඇත්තේ ඊශ්‍රායල ජාතිකයෙකු වන බවත්; පොලිස් විශේෂ කාර්‍යය බලකාය නිලධාරීන් විසින් විදේශිකයා බේරාගෙන මූලික ප්‍රතිකාර ලබා දී පිටත් කර ඇති බවයි පැවසෙන්නේ.
