දඹුල්ල අනුරාධපුර ප්රධාන මාර්ගයේ බුලාගල ප්රදේශයේ රාත්රියේ ධාවනය වෙමින් තිබූ ලංගම බස් රථයක් එක වරම ගිනි ගැනීමට ලක්ව ඇතැයි පොලීසිය කියයි. මෙසේ ගිනි ගෙන ඇත්තේ අනුරාධපුර ඩිපෝවට අයත් ලංගම බස් රථයක් බව දඹුල්ල පොලිසිය කියයි.
අනුරාධපුරයේ සිට මහනුවර බලා ධාවනය වෙමින් තිබූ මෙම බස් රථයේ මගින් දෙදෙනෙකු බැස්සවීම සඳහා දඹුල්ල බුලාගලදී වේගය අඩු කරනවාත් සමඟ එක වරම බස්ර රථයේ ගින්නක් හටගෙන ඇති බව පොලීසිය කියයි.
විනාඩි කිහිපයකින් බස් රථයේ එන්ජිමේ ගින්න වැඩිවීමත් සමඟ බස් රථයේ සිටි මගීන් කෑකෝ ගසමින් එළියට පැන තිබේ.අනතුරුව ප්රදේශවාසීන් හා මගීන් එක්ව දැඩි වෙහෙසක් දරා නිවෙස් වල ඇති ජල බට රැගෙනවිත් ජලය යොදමින් බස් රථයේ ගින්න පාලනය කර ඇතැයිද පොලිසිය කීවේය. දඹුල්ල මහ නගර සභාවේ ගිනි නිවන ඒකකයට ඇමතුමක් ලබාදී මේ පිළිබදව දැනුම්දීමෙන් පසු එම පිරිස් කඩිනමින් පැමිණ බස් රථයේ ද සිදු වන්නට ගිය විශාල විනාශ වළක්වාලීමට සමත් විය.බස් රථය ගින්නට අසු වූ ආකාරය සොයා ගෙන නොමැති අතර ඇතැම් විට කාර්මික දෝෂයකින් මෙම ගින්න හටගන්නට ඇතැයි දඹුල්ල බස් ඩිපෝවේ කාර්මික අංශයේ නිලධාරීහු පවසති
