නිෂ්පාදන වර්ග කිහිපයකට තහනමක්

වරක් භාවිත කර ඉවතලන ප්ලාස්ටික් සහ පොලිතීන් අපද්‍රව්‍ය පාලනය කිරීමට අදාළව විද්වත් කමිටු වාර්තාවේ නිර්දේශ අනුව නිෂ්පාදන වර්ග කිහිපයක් රට තුළ නිෂ්පාදනය, විකිණීම සහ දේශීය භාවිතය 2023 ජුනි මස 01 වනදා සිට තහනම් කිරීමට අදාළව යෝජනාවකට කැබිනට් අනුමැතිය හිමිව තිබෙනවා.

පරිසර අමාත්‍යවරයා විසින් අදාළ යෝජනාව අමාත්‍යමණ්ඩලය වෙත ඉදිරිපත් කෙරුණා.

ඒ, අනුව එක් වරක් පමණක් භාවිත කරනු ලබන ප්ලාස්ටික් බීම බට හා කැලතීමේ උපකරණ, ප්ලාස්ටික්වලින් නිර්මිත යෝගට් හැඳි ඇතුළුව වරක් භාවිත කර ඉවතලන පිඟන්, කෝප්ප (යෝගට් කෝප්ප හැර) හැඳි, ගෑරුප්පු සහ පිහි, ප්ලාස්ටික් මල් මාලා, ප්ලාස්ටික්වලින් නිර්මිත ඉඳිආප්ප වට්ටි මෙලෙස තහනම් කිරීමටයි තීරණය කර ඇත්තේ.