ඉරානයේ ටෙහෙරාන් නුවර පැවති First International Congress for Women of Influence ජාත්යන්තර සම්මේලනයට හිටපු ජනාධිපති ආර්යා ශිරන්ති රාජපක්ෂ සහභාගී වී තිබෙනවා.
ඉරාන රජයේ ආරාධනයකට අනුවයි ඇය මෙම අවස්ථාවට එක්වී ඇත්තේ.
මෙම සම්මේලනයට බර්කිනා ෆාසෝ, කිර්ගිස්තානය, සර්බියාව, ගිනියාව, නයිජර්, නයිජීරියාව, ශ්රී ලංකාව, සිරියාව, ටර්ක්මෙනිස්තානය සහ ආර්මේනියාව යන රටවල රාජ්ය නායකයින්ගේ භාර්යාවන්, අමාත්යවරුන්, උප ජනාධිපතිවරුන් සහ පාර්ලිමේන්තු මන්ත්රීවරුන් ඇතුළු කාන්තා නියෝජිතයන් 300කට වැඩි පිරිසක් සහභාගී වී තිබෙනවා.
එමෙන්ම චීනය, ඕස්ට්රේලියාව, තායිලන්තය, පකිස්ථානය, කැමරූන්, සර්බියාව, ආර්මේනියාව, ස්වීඩනය, බල්ගේරියාව, දකුණු අප්රිකාව, සිරියාව, ලෙබනනය සහ රුසියාව යන රටවල නියෝජිතයන් ද සහභාගී වූ බවයි වාර්තා වන්නේ.
සම්මේලනයට එක්වූ ජාත්යන්තර නියෝජිත කාන්තාවන් ප්රධාන වශයෙන් ඔවුන්ගේ රටවල ඉහළ මට්ටමේ තනතුරු දරන අයයි.
සම්මේලනයට පැමිණි අමුත්තන් කාණ්ඩ තුනක් නියෝජනය කළ අතර සංස්කෘතික හා විද්යාත්මක වශයෙන් කීර්තිමත් පුද්ගලයින්, ඇමතිවරුන් සහ ජනාධිපති ආර්යාවන් යනු එම කාණ්ඩ තුනයි.
කොංග්රසයේ ආරම්භක කොටස ඉරානයේ ජනාධිපති ආර්යාව වන Jamileh Alamolhoda විසින් පවත්වන ලද දේශනයට අමතරව ආර්මේනියාව, බුර්කිනා ෆාසෝ, ඉරාකය, කිර්ගිස්තානය, සර්බියාව, ගිනියාව යන රටවල අගමැතිවරුන්ගේ භාර්යාවන් ඇතුළු ඉහළ පෙළේ නිලධාරීන්ගේ භාර්යාවන් විසින් දේශන පවත්වනු ලැබුවා.
දේශනවලින් පසුව, ඉරානයේ ජනාධිපති ආර්යාව සමුළුවේ සාරාංශයක් ඉදිරිපත් කරන ලද අතර පසුව ජාත්යන්තර අමුත්තන් ඉරාන කාන්තා ජයග්රහණ ඇතුලත් වන ප්රදර්ශනයක් නැරඹීමට ද එක්වුණා.
බ්රහස්පතින්දා සවස, කාන්තා නියෝජිතයින් ඉරාන ජනාධිපති Ebrahim Raeisi හමුවූ අතර, එහිදී ඔහු විවිධ ප්රදේශවල ඉරාන කාන්තාවන්ගේ තත්වය සැලකිය යුතු ලෙස වැඩිදියුණු කිරීම ඉස්මතු කළ බව සඳහන්.
