විදේශීය රටකදී නිකුත් කර ඇති වලංගු රියදුරු බලපත්ර මත පදනම්ව විදේශ පුරවැසියන් සඳහා හා ශ්රී ලංකා පුරවැසියන් සහ ද්විත්ව පුරවැසිභාවය සහිත ශ්රී ලාංකිකයින්ට මෙරට දී මෝටර් වාහන පැදවීම සඳහා තාවකාලික රියදුරු බලපත්ර නිකුත් කිරීමේ කටයුතු පුළුල් කර ඇති බව මෝටර් රථ ප්රවාහන කොමසාරිස් ජෙනරාල්වරයා පවසනවා.
ඒ, අනුව මෙතෙක් වෙරහැර කාර්යාලයෙන් හා කටුනායක ජාත්යන්තර ගුවන් තොටුපළ පරිශ්රයෙන් පමණක් නිකුත් කළ එම තාවකාලික රියදුරු බලපත්ර කුරුණෑගල, හම්බන්තොට, ගම්පහ, අනුරාධපුර, සහ යාපනය යන මෝටර් රථ ප්රවාහන දෙපාර්තමේන්තුවේ ප්රාදේශීය කාර්යාල වලින්ද ලබාගැනීමේ හැකියාව ඇති බවයි කොමසාරිස් ජෙනරාල්වරයා සඳහන් කරන්නේ.
ඔහු වැඩිදුරටත් සඳහන් කරන්නේ 026.02.02 දින සිට අදාළ ප්රාදේශීය කාර්යාල මඟින් එම සේවාව ලබා ගැනීමේ හැකියාව පවතින බවයි.
එමෙන්ම, විදේශ රියදුරු බලපත් පදනම් කරගෙන ශ්රී ලංකාවේ ස්ථිර රියදුරු බලපත්රය ලබාගැනීම සදහා බලාපොරොත්තු වන විදේශික හා ශ්රී ලාංකික පුවැසියන් වේරහැර රියදුරු බලපත් කාර්යාලය වෙත පැමිණිය යුතු බව ද වැඩිදුරටත් දන්වා සිටිනවා.
