ඇමරිකා එක්සත් ජනපදය සහ ඊශ්රායල ප්රහාර තවදුරටත් උත්සන්න වුවහොත් ගෝලීය බලශක්ති මාර්ග සම්බන්ධයෙන් දරුණු තීරණයකට එළඹෙන බව ඉරානය අනතුරු අඟවනවා.
ඒ, අනුව ඉරානය පවසන්නේ ඇමරිකා සහ ඊශ්රායලය ප්රහාර තවදුරටත් තීවෘ කළ හොත් හෝර්මුස් සමුද්ර සන්ධියෙන් ඔබ්බට ඇති නැව් මාර්ග ද අවදානමට ලක්විය හැකි බවයි අනතුරු අඟවා ඇත්තේ.
ඉරානයේ උත්තරීතර නායක මොජ්ටාබා කමේනිගේ උපදේශක අලි අක්බර් වේලායාටි පැවසුවේ, එක් රටක එක් වැරදි පියවරක් ගෝලීය බලශක්ති ප්රවාහයන් සහ ජාත්යන්තර වෙළඳාමට දැඩි ලෙස බාධා කළ හැකි බවයි.
බාබ් අල්-මැන්ඩෙබ් සමුද්ර සන්ධිය, හෝර්මුස් සමුද්ර සන්ධිය තරම්ම උපායමාර්ගික ලෙස සලකන බවයි ඔහු පැවසුවේ.
යේමනයේ වෙරළට ඔබ්බෙන් පිහිටි බාබ් අල්-මැන්ඩෙබ් සමුද්ර සන්ධිය, රතු මුහුද ඒඩන් බොක්ක සහ අරාබි මුහුද සමඟ සම්බන්ධ කරන අතර, සූවස් ඇළ දෙසට යන නැව්ගත කිරීම සඳහා තීරණාත්මක ස්ථානයක් වී තිබෙනවා.
ටෙහෙරානය සමඟ සම්බන්ධ වී සිටින යේමනයේ හවුතිවරු, ඉරානය සමඟ සහයෝගීතාවයෙන් බාබ් අල්-මැන්ඩෙබ් සමුද්ර සන්ධියට පහර දීමට සූදානම් බව මීට පෙර අනතුරු අඟවා තිබුණා.
මේ අතර ඉරානයේ ඉතිහාසයෙන් එක්සත් ජනපදය යම් යම් පාඩම් ඉගෙන ගෙන ඇතත්, එම පාඩම් තවමත් තේරුම් ගෙන නොමැති බවයි මොජ්ටාබා කමේනිගේ උපදේශක වේලායාටි වැඩිදුරටත් පැවසුවේ.
wpDiscuz
