කාලගුණ විද්යා දෙපාර්තමේන්තුව නවීකරණය කිරීම සඳහා ලෝක බැංකු ආධාර මත ක්රියාත්මක වන ව්යාපෘතිය ලබන දෙසැම්බර් 31 වැනිදායින් අවසන් වීමට නියමිත බවත්, එය අසම්පූර්ණ ව්යාපෘතියක් බවට පත්වීමේ අවදානමක් පවතින බවත් විපක්ෂ නායක සජිත් ප්රේමදාස පෙන්වා දෙනවා.
ඔහු මේ බව සඳහන් කළේ පාර්ලිමේන්තුවේ පැවති ශ්රී ලංකා දේශගුණය පිළිබඳ කාරක සභා රැස්වීමේදී අදහස් දක්වමින්.
එම ව්යාපෘතිය වර්තමානයේ රට තුළ පවතින මූල්ය තත්ත්වය මත මුදල් ලබා ගැනීමට ක්රියාත්මක විය යුතු ව්යාපෘතියක් සහ ආයෝජනයක් බවත් විපක්ෂ නායකවරයා පවසා සිටියා.
මෑතකදී මෙරටට බලපෑ දිට්වා සුළි කුණාටුව වැනි තත්ත්වයන් මත පදනම්ව ලෝක බැංකුව වෙත මේ සම්බන්ධයෙන් ලිඛිතව ඉල්ලීම් කළ යුතු බවත් විපක්ෂ නායකවරයා වැඩිදුරටත් සඳහන් කළා.
එමෙන්ම ‘එල් නිනෝ’ සහ ‘ලා නිනා’ යන කාලගුණ තත්ත්වයන් මත මෙරට ආහාර සුරක්ෂිතභාවය සම්බන්ධයෙන් ගැටලුවක් මතුවනවාද යන්න පිළිබද අවදානය යොමුකළ විපක්ෂ නායකවරයා දේශගුණික විපර්යාසයන්ට ඔරොත්තු දෙන කෘෂිකර්මාන්තයක් සඳහා වැඩපිළිවෙළක් සහ ගොවීන්ට නියමිත වේලාවට නව තොරතුරු ලබාදීමේ ක්රමවේදයක් පවතීද යන්න පිළිබද ප්රශ්න මතු කළා.
