දරුණු ආර්ථික අර්බුදයක සිටින ශ්රි ලංකාව ඉන්ධන ලබා ගැනීම සඳහා ඉල්ලූ ණය පහසුකටම රුසියානු රජයෙන් සාධනීය ප්රතිචාරයක් ලැබී ඒ පිළිබඳව තාක්ෂණික කරුණු සාකච්ඡා කිරීමට අවශ්ය පසුබිම සූදානම් වෙමින් පවතින පසුබිමක් තිබියදී රුසියානු එරෝෆ්ලෝට් ගුවන් යානයක් මෙරට රඳවා ගැනීම සිදුවුන බව සහ එම හේතුව නිසා මෙම සාකච්ඡා සම්බන්ධව යම් අකාරයක ප්රතිරෝධයක් ඇති විය හැකි බවත් රුසියාවේ හිටපු තානාපති උදයංග වීරතුංග මාධ්යයට පවසනවා.
මෙම සිඳුවීම නිසා ශ්රි ලංකාව සහ රුසියාව අතර යම් රාජ්ය තාන්ත්රික් සිත් පළුදු වීමක් සිදුව ඇති බවත් ඔහු පෙන්වා දුන්නේය.
හිටපු තානාපතිවරයා පවසන්නේ ඇමෙරිකානු ඩොලර් මිලියන 500ක ඉන්ධන ආනයන ණය යෝජනා ක්රමයක් සම්බන්ධයෙන් මහින්ද රාජපක්ෂ අගමැතිවරයා ලෙස කටයුතු කරන කාලයේ තමන්ගේද මැදිහත්වීමෙන් රුසියාවෙන් රාජ්ය තාන්ත්රික මටටමේ ඉල්ලීමක් කළ බවය.
පසුගිය කාලය තුළ පැවැති කැලඹිලි සහගත තත්ත්වය තුළ ඒ සම්බන්ධ කටයුතු ප්රමාද වුවද මේ වනවිට මෙම ණය පහසුකම ලබා ගැනීමට අවශ්ය මූලික පියවර අප පසුකරමින් සිටින බව ද ඔහු කීවේය.
