රාජ්ය ඇමති ඩයනා ගමගේ ගේ පාර්ලිමේන්තු මන්ත්රී ධුරය අහෝසි කිරීමේ නියෝගයක් නිකුත් කරන ලෙසට ඉල්ලා ගොනුකර ඇති පෙත්සම පංච පුද්ගල අභියාචනාධිකරණ විනිසුරු මඩුල්ලක් ඉදිරියේ ගන්නා ලෙස ඉල්ලමින් මෝසමක් ගොනු කර තිබෙනවා.
එම පෙත්සම ඉදිරිපත් කළ සමාජ ක්රියාකාරිකයෙකු වන ඔෂල හේරත් මහතා විසිනුයි සිය නීතිඥවරු මාර්ගයෙන් මෙම මෝසම අභියාචනාධිකරණය හමුවේ ගොනු කර ඇත්තේ.
පෙත්සම්කරු කියා සිටින්නේ මෙම පෙත්සමට අදාළව පසුගියදා බෙදුණු නඩු තීන්දුවක් ප්රකාශයට පත්වීම හේතුවෙන් අදාළ පෙත්සම ත්රිපුද්ගල අභියාචනාධිකරණ විනිසුරු මඩුල්ලක් ඉදිරියේ යළිත් විභාග කිරීමට අධිකරණය තීරණය කළ බවයි.
ඒ අනුව අදාළ පෙත්සම අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න, ඒ. මරික්කාර් සහ කේ. කේ. ඩී. පී. සේනාධිපති යන විනිසුරුවරු ගෙන් සමන්විත විනිසුරු මඩුල්ලක් ඉදිරියේ ලබන සැප්තැම්බර් 14 වනදා විභාගයට ගැනීමට නියමිතව ඇති බව පෙත්සම්කරු සඳහන් කළා.
නමුත් මෙම නඩුකරයට පාදක වන කරුණ මේ වන විට පාර්ලිමේන්තුව තුළත් ඉන් පිටතත් දැඩි මතභේදයට තුඩු දී තිබෙන බවයි පෙත්සම්කරු පෙන්වා දෙන්නේ.
එබැවින් ජාතික වැදගත් කමක් සහිත කරුණක් මෙම නඩුකරය තුළ අන්තර්ගත වී තිබෙන හෙයින් අදාළ පෙත්සම පංච පුද්ගල අභියාචනාධිකරණ විනිසුරු මඩුල්ලක් ඉදිරියේ විභාගයට ගැනීම සඳහා නියම කරන ලෙසත් පෙත්සම්කරු සිය නීතිඥවරු මාර්ගයෙන් ඉදිරිපත් කල මෝසමේ සඳහන් කර තිබෙනවා.
